Thursday, February 18, 2010

သားအချစ် မြေးအနှစ်



ဖေဖေတို့ ပြည်သူတွေ အားလုံးချစ်ကြတဲ့ ဗိုလ်ချုပ်အောင်ဆန်း မွေးနေ့ နဲ့ လေးရက်ပဲ ခြားပြီး ဖေဖေါ်ဝါရီလ ၁၇ ရက်နေ့ မှာ မြေးလေး Mickey ကိုမွေးပေးတဲ့ သားနဲ့ သမီးတို့ကို ကျေးဇူး အများကြီးတင်ပါတယ်။ ဗိုလ်ချုပ် အောင်ဆန်းလိုပဲ စိတ်ထား မြင့်မြတ် ရိုးသား ဖြောင့်မတ်တဲ့ တိုင်းပြည်ရဲ့ သားကောင်းလေး တစ်ယောက် အများ မိုးခါးရေမသောက်တဲ့ ပြည်သူ့ သားကောင်းလေး တစ်ယောက် ဖြစ်လာပါစေလို့ဆုတောင်းလိုက်ပါတယ်။

Tuesday, February 9, 2010

မကြာခင် Mickey လေးကိုမွေးတော့မဲ့ သမီး အတွက်

တစ်ခါက....ဈေးရှိတဲ့ ရွာကြီးတစ်ရွာမှာ ဈေးဖိတ်နေ့ညနေပိုင်းရောက်တဲ့အခါမှာ နောက်နေ့ရောင်းချဖို့အတွက် အမဲသတ် လေ့ရှိပါတယ်….. အဲဒီအခါမှာ နောက်နေ့နွားသတ်ဖို့ ၀ယ်လာတော့ နွားမကြီးတစ်ကောင်ဖြစ်နေတယ် အဲဒီနွားမကြီးဝယ်လိုက်တော့ နို့မပျက်သေးတဲ့ နွားငယ်လေးတစ်ကောင်ပါလာတယ်။ နွားမကြီးကို နွားသတ်ကုန်းပေါ် ခေါ်လာတော့ နွားငယ် သားလေးလည်း ဘာမသိညာမသိနဲ့ လိုက်ပါလာတော့တာပေ့ါ။ နွားသတ်ကုန်းနဲ့ မနီးမဝေး မှာ တော့ အရင်ကသတ်ထားတဲ့ နွားတွေရဲ့အရိုးအနံ့ရတော့ နွားမကြီးလည်း မိမိကို သတ်တော့ မယ်ဆိုတာသိတော့ မောင်းလို့မရတော့ဘူးတဲ့။

လူတွေကလည်း နေမ၀င်ခင် ကိစ္စပြီးအောင်လုပ်ရမှာဆိုတော့ နွားမကြီးကို နောက်ကနေမောင်းလို့မရတော့တဲ့ အဆုံး နှာကြိုးကို လှန်ပြီး ရှေ့ကနေတအားဆွဲတော့တယ်။ နွားမကြီးလည်း ကြောက်အားလန့်အားနဲ့ ယက်ကန် ယက်ကန်နဲ့ ရုံးနေတာပေ့ါ။ အဲဒီအချိန်မှာ နွားသားလေးက ဘာမှမသိရှာဘူးလေ။ တောထဲမှာ မြတ်စားရင်း ဆော့ကစားနေလေရဲ့။ နောက်တော့ပါလာတဲ့လူတွေအားလုံးက နွားမကြီးနှားဖျားကြိုးကို တအားဆွဲကြတော့ နွားမကြီးရဲ့ နှာဖျား အသား တွေပြတ်သွားတော့တယ်။ သွေးတစက်စက်နဲ့ နွားမကြီးလည်း ကြောက်အား လန့်အား ပြေးတော့တာပေ့ါ။

လယ်ကွက်နှစ်ကွက် သုံးကွက်လောက် လွန်တဲ့အခါမှာ ကျန်တဲ့နွားသားငယ်လေးက အမေကိုမတွေ့တော့ အသံပေး အော်လိုက်တော့ နွားမကြီးလည်း ဆက်မပြေးတော့ဘူး နွားသားလေးကိုရပ်စောင့် နေတယ်။ နွားသားလေးနဲ့ အတူ နွားသက်သမားတွေက ပါလာတော့ နွားမကြီးလည်း နောက်လယ်ကွက် သုံးကွက်လောက်ဆက်ပြေးပြန်ေ ရာာ ။ အမေနဲ့အတော်ဝေးသွားတော့ နွားသားလေးလည်းဆက်အော်ပြန်တော့ နွားမကြီးလည်းတစ်ဖန် ရပ်စောင့်နေပြန်တယ်။

အဲဒါကို နွားသက်သမားတွေက နွားမကြီးကိုလိုက်နေ့လို့တော့ ဒို့တောနေ၀င်သွားတော့မယ်။ ဖမ်းဖို့တော့မလွယ် တော့ဘူး။ သူ့သားလေးကိုဖမ်းရင်တော့ သူပြန်လာမှာပဲဆိုတဲ့ အကြံကိုရရှိသွားတော့တာပေ့ါ။ အဲဒါနဲ့ နွားသား လေးကိုဝိုင်းဖမ်းကြတော့တယ်။ နွားသက်ကုန်းမှာ နွားသားလေးကိုကြိုးနဲ့ချီထားပြီး အော်အောင် ၀ိုင်းရိုက် ကြတယ်။ သားလေးရဲ့ မချိမဆံ့အော်သံကိုကြားရတော့ နွားမကြီးလည်းဆက်မပြေးနိုင်တော့ဘူး။ သူ့မှာရှိတဲ့ ဒဏ်ရာကိုရော အသက်ခံရမယ်ဆိုတဲ့အသိကိုပါ မေ့ပြီး သားလေးရှိရာကို ပြန်လှည့်လာတော့တာပေ့ါ။

နွားသတ်သမားတွေကလည်း လက်နက်ကိုယ်စီနဲ့ ကိုင်စောင့်နေကြတာပေ့ါ။ နွားမကြီးကလည်း သားလေးရှိရာကို တဖြေးဖြေး လှမ်းလျှောက်လာတယ်။ သားလေးရဲ့ကိုယ်မှာရှိတဲ့သွေးထွက်နေတဲ့ ဒဏ်ရာတွေကိုလျှာနဲ့ လျှက်ပေးနေတော့တယ်။ အဲဒီအချိန်မှာနောက်မှာရှိတဲ့ နွားသတ်သမားတွေက သူတို့လုပ်ရမယ့်လုပ်ငန်းကို ဆက်လုပ်ကိုင်ကြတော့တယ်။ ဒါကို မြင့်မိုရ်ဦးရဲ့ နောက်ဆုံးရေစင်ပဲဆိုတာ နွားသားလေးကသိချင်မှ သိမယ်ပေ့ါနော်။ မြင်းမိုရ်ဦးကတော့ ကွယ်ပျောက်သွားပြီ။

ဇာတ်လမ်းလေးကတော့ အဲဒါပါပဲ...............ဘုရားရှင်မေတ္တာသုတ်တော်မှာ ဟောကြားတော်မူတဲ့

မာတာယထာ နိယံပုတ၊္တ မာယုသာ ဧကပုတ္တ မနုရက္ခေ ။

လူမိခင်များသာမကဘူး တိရစ္ဆာန်မိခင်များလည်း ရင်သွေးကို အသက်နဲ့လဲပြီး ကာကွယ်ကြတယ် ။အဲဒါကြောင့် အနှိုင်းမဲ့ မေတ္တာကို ဘယ်သိပ္ပံဆရာကမှ မတိုင်းတာနိုင်ပါဘူး။ မိဘကျေးဇူး ဆပ်နိုင်ပါစေ .................

လူလောက မှာ ရင်ဆိုင်တတ်အောင်

ခင်မကန်ဆရာတော် ဘုရားကြီးဆိုတာ ကုန်းဘောင်ခေတ် မင်းတုန်းမင်းကြီး လက်ထက်မှာ ပေါ်ထွန်းခဲ့တဲ့ ဆရာတော် တစ်ပါးပါ. တစ်နေ့တော့ ခင်မကန်ဆရာတော်ကြီး ဆီကို ဒကာတစ်ယောက် ရောက်လာပါတယ် . ပြီးတော့ ဆရာတော်ဘုရားကြီးကို ဦးချ၊ ပါလာတဲ့ လှူဖွယ် ၀တ္တုကို ဆက်ပ်လှူဒါန်းပြီးတော့ "ဆရာတော်ဘုရား . . . တပည့်တော်ကို တရားတိုတိုတုတ်တုတ် တစ်ပုဒ်လောက် ဟောပါဘုရားလို့" လျှောက်သတဲ့. .
ဒီတော့ ဆရာတော်ဘုရားကြီးက "တစ်ယောက်တည်း တည့်အောင်နေ" လို့ ဟောလိုက်ပါတယ်. . . . ဆရာတော်က ဟောပြီး ခပ်ဆိတ်ဆိတ်ပဲ ငြိမ်နေလိုက်ပါတယ်. . . . ဒီတော့ ဒကာက "ဆရာတော်ဟောတဲ့ တရားကလည်း တိုလွန်းအားကြီးပါတယ် ဘုရား တစ်ယောက်တည်းနေတဲ့သူဟာ ဘယ်သူနဲ့မတည့်ဘဲနေမှလဲ ဘုရား ၊ ရန်ဖြစ်စရာလူမှ မရှိဘဲဘုရား" လို့ ပြန်လျှောက်ပါတယ်. . .
ဒီအခါကျမှ ဆရာတော်ဘုရားကြီးက "တစ်ယောက်တည်းနေနေပေမယ့် ကိုယ့်သန္တာန်မှာ လောဘ၊ ဒေါသ ၊ ရာဂ၊ ဣသာမစ္ဆရိယစတဲ့ အကုသိုလ်တရားတွေ ကိန်းနေ ဖြစ်နေရင် တစ်ယောက်တည်းရန်ဖြစ်နေတာပဲ ဒကာရဲ့ . . ကောင်းတဲ့ ကုသိုလ်တရားတွေကို ပယ်ထားပြိး အကုသိုလ်တရားတွေနဲ့နေနေရင် တစ်ယောက်တည်းနေပေမယ့် သေရင် အပါယ်မုချ ရောက်လိမ့်မယ်. . ." လို့ အကျယ်ထပ်ရှင်းပြတော့မှ ဒကာလည်း သဘောပေါက်သွား ပါတယ်. . . .
အဓိကကတော့ ကိုယ့်သန္တာန်မှာ မကောင်းတဲ့အကုသိုလ်စိတ်တွေ ဖြစ်နေရင် တစ်ယောက်တည်း ရန်ဖြစ်နေတာပဲပေါ့ တစ်ယောက်တည်းဆိုရင် ပျင်းတတ်တယ် ဒါကြောင့်စိတ်ထဲက အဖော်တွေကို ခေါ်လိုက်ပါတယ်. . . ခေါ်ပုံနဲ့ရန်ဖြစ်ပုံက ဒီလိုပါ. .
"ဟိုတစ်နေ့ မိဖြူဆွဲလာတဲ့ ဆွဲကြိုးလေးက သိပ်လှတာပဲ . . ဟင်း လူက ပိန်ညှောင်ညှောင်နဲ့ တစ်စက်မှ မလိုက်ဘူး. . . ငါနဲ့ဆို သိပ်လိုက်မှာ . . . သူ့ယောကျားက ဟိုမှာ ဟိုလိုတွေလုပ်နေတော့ ၀ယ်နိုင်တာပေ့ါ. . . လကုန်ရင်တော့ ၀ယ်အုံးမယ် အလုပ်အဆင်မပြေလို့ . . တောက် ဟိုကောင်မ ညှက်စိဖြတ်ခုတ်သွားလို့ပေါ့ . ." အဲလိုနဲ့ လောဘနဲ့ ဒေါသကို ခေါ်လိုက်ပြီး အပြင်က အမျိုးသမီးနှစ်ယောက်နဲ့ ရန်ဖြစ်နေပါပြီ. . .
"ဘာလိုလိုနဲ့ ဟိုကောင်မတော် ရာထူးတက်သွားပြီ၊ အလုပ်ဝင်တုန်းက ငါနဲ့ အတူတူ အေးပေ့ါလေ သူ့အဖေ က ဘော့စ်နဲ့ သူငယ်ချင်းဆိုတော့ တက်မှာပေါ့ . . ပညာအရည်အချင်းကငါ့လောက်တောင် မရှိဘဲနဲ့ . .ဟင်း. " ဣသာမစ္ဆရိယကို ခေါ်လိုက်ပြီး ရုံးက လုပ်ဖော်ကိုင်ဖက် အမျိုးသမီးနဲ့ ရန်ဖြစ်နေပြန်ပါပြီ. . .


"တစ်နေ့ က ဟိုအန်တီကြီးကို ဖုန်းဆက်ပြီး ကားအကူအညီလိုလို့တောင်းမိပါတယ်. . . မအားဘူးတဲ့ အဲဒါ ညာပြောတာ. . . ဒီကိစ္စဖေဖေ့ကို တိုင်ရဦးမယ်. . . ဒီတစ်သက် သူ့ဆီဖုန်းမဆက်ဘူး. . သူ့မှာ မာနရှိသလို ငါ့မှာလည်း မာနရှိတာပဲ. . . "
ဒေါသနဲ့မာနကို ခေါ်ပြီး အပြင်က အန်တီကြီးနဲ့ ရန်ဖြစ်နေပြန်ပါပြီ. . . .
ဒါတွေက တော့ အခန်းထဲမှာ တစ်ယောက်တည်းနေပြီး အကုသိုလ်မျိုးစုံခေါ်ပြီး လူမျိုးစုံနဲ့ ရန်ဖြစ်နေတာပါ. . . အဲဒီအချိန်မှာ ကိုယ်ပဲ စိတ်ဆင်းရဲပြီး ပူလောင်နေရတယ်ဆိုတာ မြင်ဖူးသူတိုင်းသိပါတယ်. . . ဒါကို ကိုယ်က ငါစိတ်ဆင်းရဲအောင် ငါ့စိတ်က ဖန်တီးနေပါလား ဆိုတာ ပထမဆုံးသိလိုက်ရမှာပါ. .. သိမှလည်း ဖယ်ရှားလို့ရမှာပါ. . . စိတ်ကြောင့်ဖြစ်ရတဲ့ အကုသိုလ်စိတ်ကိုလည်း စိတ်နဲ့ ပဲ ပြန်လည်ဖယ်ရှားရမှာပါ. ..
ဒါကြောင့် ကိုယ်က အကုသိုလ်စိတ်ကို ကြိုတင်ကာကွယ်ထားရမှာပါ . တစ်ယောက်တည်းနေတဲ့ အခါမှ အကုသိုလ်စိတ်တွေ ၀င်မလာနိုင်အောင် ကမ္မဌာန်းတစ်ခုခုဖြစ်ဖြစ် ၊ ဂုဏ်တော်ပဲဖြစ်ဖြစ်၊ မေတ္တာပဲဖြစ်ဖြစ်၊ ၀ိပသာနာပဲဖြစ်ဖြစ်. . ကြိုနှလုံးသွင်းထားလိုက်တဲ့ အကျင့်ကို ကျင့်ထားလိုက်ရင် ဘယ်သူနဲ့မှ ရန်မဖြစ်ရတော့ ဘူးပေါ့ .. .

ရဝေနွယ်(အင်းမ) ၊ အတွေးများနှင့်မိတ်ဖွဲ့ခြင်း မှာ ကောက်နှုတ်တင်ပြပါသည်.

ဗုဒ္ဓဘာသာ (၅)မျိုး

ယနေ့ခေတ်လူတွေဟာ ဘာသာအသိတရား တဖြည်းဖြည်းနဲ့ ခေါင်းပါးလာပြီ။ ဘုရားတောင်မှ ထိခြင်းငါးပါးနဲ့ ဦးချရကောင်းမှန်းမသိကြတော့ပါဘူး။ဒီလိုအခြေအနေတွေကိုသိလို မြတ်စွာဘုရားက “နောင်အနာဂတ်မှာ ဗုဒ္ဓဘာသာ (၅)မျိုး ကွဲပြားလိမ့်မယ်”ဟုဟောတော်မူခဲ့ပါတယ်။အဲ့ဒီ ဗုဒ္ဓဘာသာ(၅)မျိုးကတော့
(၁)ကုလ ဗုဒ္ဓဘာသာ
(၂)လာဘ ဗုဒ္ဓဘာသာ
(၃)ဘယ ဗုဒ္ဓဘာသာ
(၄)သဒ္ဓါဓိက ဗုဒ္ဓဘာသာ
(၅)ပညာဓိက ဗုဒ္ဓဘာသာ

(၁)ကုလ ဗုဒ္ဓဘာသာ
ကုလ ဗုဒ္ဓဘာသာဆိုတာ ရိုးရာဗုဒ္ဓဘာသာ ကိုပြောတာပါ။အမေအဖေက ဗုဒ္ဓဘာသာမို့သားသမီးက ဗုဒ္ဓဘာသာ ဖြစ်လာရတာပါ။မိဘက ခရစ်ယာန်ဆိုရင် သားသမီးကလည်း ကုလဗုဒ္ဓဘာသာပေါ့။ မိဘက ဗုဒ္ဓဘာသာမို့သာ သားသမီးကဗုဒ္ဓဘာသာဖြစ်လာရတာ ဘုရားရှင်ဘာလို့ ပွင့်မှန်းမသိ။ ဘုရား ဘာတရား ဟောမှန်း လည်းမသိ။ ကိုးကွယ်နေတဲ့မြတ်စွာဘုရားဘာကြောင့်ကိုးကွယ်ရမှန်းလည်းမသိ။ တရားတော်ကို ဘာကြောင့်ကိုးကွယ်ရ မှန်းမသိ။ ဘုရားကိုဦးချတာ ဘာရည်ရွယ်ချက်နဲ့ဦးချမှန်းမသိ။ ဘာကြောင့်ဒီလောက် ရိုရိုသေသေနဲ့အလေးပြု နေမှန်းကိုမသိတာ။ လုပ်တော့လုပ်နေတာပဲ အသိပညာ ဘာမှမပါတာ။ ကုလဗုဒ္ဓ ဘာသာပါ။

(၂)လာဘ ဗုဒ္ဓဘာသာ
လာဘဗုဒ္ဓဘာသာဆိုတာ လာဘ်လာဘလိုလို့ ကိုးကွယ်တဲ့ ဗုဒ္ဓဘာာသာကို ဆိုလိုတာပါ။ ဒီဘဝ စီးပွားရေး လေး တက်မလားဆိုပြီးမှ ဘုရားကိုးကွယ်တာမှာ ရွေးပြီးကိုးကွယ်တယ်။ ဒီဘုရားကိုးကွယ်ရင်တော့ လာဘ်လာဘ ပေါများတယ် ဟိုဘုရားကိုးကွယ်ရင်တော့ စီးပွားရေးတက်တယ်ဆိုပြီးရွေးကိုးကွယ်တာ လာဘဗုဒ္ဓဘာသာ ပါ။ ဘုရားကိုးကွယ်မှ လာဘ်ပေါများမယ်ဆိုရင် ဘုရားမကိုးကွယ်တဲ့ ခရစ်ယာန်တွေ ဘာလို့ လာဘ်ရွှင်နေလဲ။ အဓိကစီးပွားရေးဖြစ်နေတယ်ဆိုတာဘုရားကြောင့်မဟုတ်ပါဘူး။ ကံ၊ ညဏ်၊ ဝိရိယ သတ္တိကြောင့်ပါ။ အိမ်ခြံဝယ် မယ်။ ရောင်းမယ်။ အိမ်နေရာပြောင်းမယ်ဆိုရင်တောင်မှ ရက်ရာဇာ ပြဿဒါးရွေးနေတာတွေ။ ဘုရားကျောင်း ဆောင်ပေါ်မှာ ဘိုတော် ဘွားတော်ပုံတွေတင်ထားတာတွေ။ကိုကြီးကျော် ၊ မနှဲလေး အစရှိတဲ့နတ်တွေ ကိုးကွယ် တာတွေ။ ဗေဒင်ယုံကြည်ပြီးယတြာတွေ ချေလိုက်ကြ စတဲ့ လာဘ်လာဘလိုချင်လို့ ကိုးကွယ်တဲ့ဗုဒ္ဓဘာသာများကို လာဘဗုဒ္ဓဘာသာခေါ်ပါတယ်။

(၃)ဘယ ဗုဒ္ဓဘာသာ
ဘယဗုဒ္ဓဘာသာဆိုတာ ဘေးကိုကြောက်လို့ ကိုးကွယ်တာကို ခေါ်ပါတယ်။ အန္တရာယ်ကင်းဖို့၊ ဘေးရှင်းဖို့၊ အသက်ရှည်ဖို့၊ ကျန်းမာဖို့၊ ဒီလိုအတွေးအခေါ်တွေနဲ့ ဘုရားကိုးကွယ်တာကို ဘယဗုဒ္ဓဘာသာဟု ခေါ်ပါသည်။ ဒီ ဘုရားကိုးကွယ်မှ အသက်ရှည်မယ်ဆိုရင် ဘုရားမကိုးကွယ်တဲ့ခရစ်ယာန် အစလာမ်တွေ အသက်ရာကျော်ရှည် နေကြတာ ဘာလို့ပါလဲ။ ဘာမှမသိဘဲ ရမ်းကိုးကွယ်တာ ကုလ ဗုဒဘာသာ၊လာဘ်လာဘ လိုချင်လို့ကိုးကွယ်တာ လာဘဗုဒ္ဓဘာသာ။ ဘေးကြောက်ပြီး အကိုးအကွယ် မှားနေတာ ဘယ ဗုဒ္ဓဘာသာ။ဒီ ကုလ၊လာဘ၊ဘယ ဗုဒ္ဓဘာသာ(၃)မျိုးကို အောက်တန်း စား ဗုဒ္ဓဘာသာဟုခေါ်ပါသည်။ ဟိုလူမပါ။ ဒီလူမပါ။ ဟိုလူပသပါတယ်။ ဒီလူပသပါတယ်။လက်ညှိုးထိုး ခွက်လှန်လုပ်နေတာတွေကို ဘုရားက သူတောင်းစား ဗုဒ္ဓဘာသာပါတဲ့။ ခန္ဓာမှာအသိ၊ဘာသာရေအသိဓာတ်ခံ နည်းတော့ လိမ်စားနေတဲ့သူတွေက လိမ်လို့ကောင်းနေပါတယ်။ ဘုရားလည်းကိုးကွယ်ရသေး၊ တရားလည်းကိုးကွယ်ရသေး၊ ဆွမ်းဦးကိုလည်းလောင်းလှူရသေး၊ သာသနာတော် ကိုလည်း ပစ္စည်းလေးပါးနဲ့လှူဒါန်းပူဇော်ဆက်ကပ်ရသေး။ ဘာအတွက် ဒါတွေ လုပ်နေရတာလည်း ဘာအတွက် သာသနာကိုချီးမြှောက်နေတာလည်း ဘာအတွက် ကျောင်းဆောက်နေတာလည်း။ စဉ်းစားပါ။ ဝေဖန်ပါ။ သုံးသပ်ပါ။

(၄)သဒ္ဓါဓိက ဗုဒ္ဓဘာသာ
သဒ္ဒါဓိကဗုဒ္ဓဘာသာဆိုတာသဒ္ဒါတရားကို အရင်းခံပါတယ်။ သဒ္ဒါတရားဆိုတာယုံကြည်ချက်ပါ။ ဘုရား၊ တရား၊ သံဃာကိုတကယ်သက်ဝင်ယုံကြည်တာကို ခေါ်ပါတယ်။ယုံကြည်တဲ့နေရာမှာလည်းမှန်မှန်ကန်ကန် ယုံကြည်တဲ့ သမ္မာသဒ္ဒါ နဲ့ မှားမှားယွင်းယွင်း ယုံကြည်တဲ့ မိစ္ဆာသဒ္ဒါဆိုပြီး (၂)မျိုးရှိပါတယ်။ သမ္မာသဒ္ဒါမှန်မှန်ကန်ကန် ယုံကြည်ချက် ဆိုတာ သစ္စာတရား သိတော်မူတဲ့ မြတ်စွာဘုရားဟာ ဝေနေယျ သတ္တဝါတွေကို သူသိသကဲ့သို့ မေတ္တာဂရုဏာတော်အပြည့်နဲ့ သစ္စာလေးချက်အနက်ကိုဟောကြားတော်မူခဲ့ပါတယ်။ ဒီတရားတော် အနက်တွေ ကိုပိုင်ပိုင်နိုင်နိုင် သိတော်မူသွားကြတဲ့ အရိယာသူတော်စင်ကြီးတွေဟာ နိဗ္ဗာန်ဝင်စံသွားကြပါတယ်။ နိဗ္ဗာန် ဆိုတာ အို၊ သေ၊ နာ လွတ်ရာပါ။ အသေလွတ်ရာပြတတ်လို့ မြတ်စွာဘုရားအား ကိုးကွယ်ပါ၏ ဆိုတဲ့ယုံကြည်ချက်ဟာ မှန်ကန်သောယုံကြည်ချက် တရားတော်ကို ဘာကြောင့်ကိုးကွယ်ရသလဲ။ မြတ်စွာဘုရား ဟောတော်မူခဲ့သော တရားတော်ကိုကြိုးစားအားထုတ်လိုက်လို့ တရားလမ်းကြောင်းအတိုင်းသာ လျှောက်သွား နိုင်ရင်နိဗ္ဗာန်ရောက်ပါ မည်။ ထိုအသေလွတ်ရာ ပို့ဆောင်တာ တရားက ပို့ဆောင်တာပါ။ ပုဂ္ဂိုလ်က ပို့ဆောင်တာ မဟုတ်ဘူး။ ထိုတရားတွေ မကွယ်မပျောက်သေးတာဘယ်သူ့ကျေးဇူးပါလဲ ဆိုရင် သံဃာတွေရဲ့ကျေဇူးပါ။ ဘုရားရှင် ဟောတော်မူသော ဓမ္မက္ခန္ဓာပေါင်းရှစ်သောင်းလေးထောင်၊ သုတ်ဝိနည်း အဘိဓမ္မာတရားတွေ သံဃာတော် တွေကဆောင်ထားတာပါ။ပိဋကသုံးပုံ ကို သံဃာတော်တွေက***ရှောက်ထားတာပါ။ သံဃာတော်ကိုယုံကြည်မှု။ ဒါတွေကရတနာမြတ်သုံးပါးကို မှန်မှန်ကန်ကန် ယုံကြည်တဲ့ သမ္မာသဒ္ဒါယုံကြည်မှု။ မိစ္ဆာသဒ္ဒါယုံကြည်မှုက လာဘ် လာဘပေါတယ်။ အန္တရာယ်ကင်းတယ်ဆိုပြီး ကိုးကွယ်ယုံကြည်နေတာ မိစ္ဆာသဒ္ဒါ။ လာဘ်လာဘ ပေါတယ်ဆိုတဲ့ လာဘဗုဒ္ဓဘာသာယုံကြည်ချက်၊ အန္တရာယ်ကင်းအောင်ဆိုပြီး ဘယ်ဗုဒ္ဓဘာသာ တွေရဲ့ ယုံကြည်ချက်၊ ဗုဒ္ဓရဲ့ ဂုဏ်ကျှေဇူးကို ဘာမှနားမလည်ဘဲသူများဦးတိုက်လို့သာ ရမ်းဦးတိုက်ရတဲ့ကုလ ဗုဒ္ဓဘာသာ တွေရဲ့ ယုံကြည်မှု ဒါတွေဟာ မိစ္ဆာသဒ္ဓါတွေပါ။ အသေလွတ်ရာလမ်းကိုပြတတ်လို့ ၊ အသေလွတ်ရာ ပို့ဆောင်နိုင်လို့၊ အသေလွတ်ရာတရားကိုဆောင်ထားနိုင်လို့ ရတနာ သုံးပါးကို ကိုးကွယ်ပါ၏ ဆိုတဲ့သမ္မာသဒ္ဒါ။ အနှစ်သာရ မရှိတာကို မရှိဘူးလို့သိပါတယ်။ အနှစ်သာရ ရှိတာကို ရှိတယ်လို့သိပါတယ်။ မှားတာကို မှားတယ်လို့သိတယ်။ မှန်တာကို မှန်တယ်လို့သိတယ်။ သိတဲ့အပြင်၊ အမှားလမ်းကိုရှောင်၊ အမှန်လမ်းကို ဆောင်တာသည် သမ္မာသဒ္ဒါ ရှိတဲ့သဒ္ဒါဓိက ဗုဒ္ဓဘာသာပါ။

(၅)ပညာဓိက ဗုဒ္ဓဘာသာ
သစ္စာတရားကို သေချာသိတဲ့ ဗုဒ္ဓဘာသာကို ပညာဓိကဟုခေါ်သည်။ ပညာဓိက ဗုဒ္ဓဘာသာဟာတရားတော်ကို ယုံကြည်တယ်။ တရားတော်ကို ဘယ်လိုယုံကြည် တာလည်းဆိုတော့ ရမ်းယုံကြည်တာမဟုတ်ဘဲခန္တာအသိ နဲ့ အသေအချာသိပြီး ယုံတယ်။ ထိုသို့သိတာကို ပညာ ဟုခေါ်ပါသည်။ သစ္စာလေးပါးကို အသေအချာ ပညာနဲ့သိတဲ့ ဗုဒ္ဓဘာသာ၊ဖြစ်ပျက်မှုတွေကို သိတဲ့ ဗုဒ္ဓဘာသာဖြစ်ပျက်မြင်တာ ခန္တာက မြင်တာလား ပညာကမြင်တာ လားဆိုတော့ပညာကမြင်တာပါ။ပညာဓိက ဗုဒ္ဓဘာသာပါ။ ဘုရားကမင်းတို့ခန္တာ ထဲမှာ ဖြစ်တာနဲ့ ပျက်တာပဲ ရှိတာလို့ဟောခဲ့ပါတယ်။ ဒါကိုကိုယ်တိုင် သစ္စာတရားကို သေချာသိပြီး ကျင့်ကြည့်လိုက်တော့ မြင်တယ်။ ကိုယ်တိုင်မြင်တော့ ယုံကြည်လာတယ်။ ယုံကြည်တော့သဒ္ဒါ၊ဖြစ်ပျက်မြင်တာက ပညာ။ ထိုကြောင့် သဒ္ဒါနဲ့ပညာ သွားပြီး တွဲနေပါတယ်။သဒ္ဒါနဲ့ ပညာဟာ တွဲလျက်ပါတဲ့။သဒ္ဒါတရား မှန်မှန်ကန်ကန် နဲ့သာ ကြိုးစားမယ်ဆိုရင် အပါယ်လေးပါးမှလွတ်မြောက်နိုင်၏။ တို့မှာ အပါယ်မျိုးစေ့တွေ၊အပါယ်ကျ ကြောင်းကံတွေ လုပ်ထာတာရှိတယ်။ ဒါတွေကိုဘယ်သူမှ ဝင်တားလို့ မရပါဘူး။ သူကိုတားချင်ရင်၊ သူကိုအကျိုးမပေးစေချင်ရင်ဘာနဲ့ဖြတ်ရမလဲ ဆိုတော့ ဥာဏ်နဲ့ဖြတ်ရမယ်။ ဥာဏ်နဲ့ ဖြတ်လိုက်လို့ ဖြစ်ပျက်မဂ်ဆိုက်နေတဲ့ ပုဂ္ဂိုလ်မှာသဒ္ဒါလည်းပါတယ်၊ ပညာလည်းပါတယ်။ ဒါသည် သဒ္ဒါဓိကနှင့် ပညာဓိက ဗုဒ္ဓဘာသာဖြစ်ပါသည်။ သဒ္ဒါဓိက နှင့် ပညာဓိက ဗုဒ္ဓဘာသာဟာအထက်တန်း ဗုဒ္ဓဘာသာပါ။ သဒ္ဓါနှင့် ပညာ balance (ဟန်ချက်ညီ)ဘို့လဲ လိုပါတယ်၊ သဒ္ဓါလွန်ကဲပညာနဲပြန်ရင် (နှစ်လုံးလှ လူမိုက်ကြီး) သူတော်ကောင်းလူအကြီးဖြစ်သွားပါတယ်၊ ဆင်ခြင်တုံ တရားနဲပါးသူတွေက (superstitious rites, scarified, prayer) အကျိုးမရှိတဲ့နေရာနေမှာ ကိုယ့်အချိန်တွေကို အသုံးချနေကြပါတယ်။ သဒ္ဓါနဲပြီး ပညာကဲနေပြန်ရင်လဲ ပညာရှိလူမိုက်ကြီး ဖြစ်နိုင်ပါတယ်။ ဆိုလိုတာက ဘယ်အရာမဆို အစွန်းမရောက်စေဘို့ပါဘဲ။

သာဓု သာဓု သာဓု

အရင်က တောရွာတစ်ရွာရဲ့အနီးမှာ တောရဆောက်တည်နေတဲ့ ဆရာတော်ကြီးတစ်ပါး ရှိသတဲ့..... ဆရာတော် ကြီး ဆွမ်းခံကြွတဲ့အခါမှာ ရွာနဲ့ အတော်လေးလှမ်းသတဲ့. . . ဒါကြောင်း ဆရာတော်ကြီးကို အလွန်ကြည်ညိုသူ ဒကာတစ်ဦး က ဆရာတော်ကြီးကြွလာချိ်န်မှာ အမောပြေ၊ အဆာပြေ ဘုဉ်းပေးဖို့ ရေနွေးကြမ်းနဲ့ ခဲဖွယ်တစ်ခုခု ကို အမြဲစီစဉ်ထားပြီး သူ့အိမ်မှာ တစ်အောင့်တစ်ခဏနားနေ ဘုဉ်းပေးဖို့ အမြဲ ပင့်လျှောက်ပါသတဲ့. . . နေ့စဉ် နေ့တိုင်း ထိုင်အိမ်သဘောမျိုးနဲ့ ဆရာဒကာ ရင်းရင်းနှီးနှီးဖြစ်လာတော့ တရားအကြောင်းလေးတွေကစပြီး အလာပသလ္လာပလေးတွေ လည်းအထိုက်အလျောက် ပြောဖြစ်တာပေါ့...

မိုးဦးကျချိန် တစ်နေ့မှာတော့ အဲဒီဒကာကြီးရဲ့ တောင်သူလုပ်ငန်းသုံးခိုင်းနွားကြီး တစ်ဖက် ပိုးထိပြီးသေဆုံးသွား ပါသတဲ့ . . . . ထွန်ယက်စိုက်ပျိုးဖို့ အရေးကြီးဆုံးအချိန်မှာကြုံတာဆိုတော့ ဒကာကြီးလည်း ၀မ်းနည်းပက်လက် ဖြစ်ပြီး နောက်နေ့ဆရာတော်ကြီး ဆွမ်းခံကြွလာတဲ့အခါ ထုံးစံအတိုင်း ခဲဖွယ် သောက်ဖွယ်များ ဆပ်ကပ်ပြီး တဲ့အခါမှာ သူ့ရဲ့ သောကပြေရာပြေကြောင်းအဖြစ်ဆရာတော်ကြီးကို လျှောက်ထားတဲ့အခါမှာ ဆရာတော် ကြီးက ထွေထွေထူးထူး မပြောပဲ "သာဓုဗျာ၊ သာဓု၊ သာဓု" လို့ သုံးကြိမ်ခေါ်ပြီး ထပြန်ကြွသွားပါလေရောတဲ့. . . .

ဒကာကြီးကတော့ ဖြေသိမ့်စရာ တရားလေးများ ကြားရလေမလားလို့ အောက်မေ့ပြီး ဖြစ်ကြောင်းစုံ လျှောက် ထား ကာမှ ဘာတရားမှ မဟောပဲ သာဓုသုံးကြိမ်ခေါ်သွားတာကို အတော်လေး မကျေမနပ်ဖြစ်သွားပါသတဲ့ . . . . "သာဓုဆိုတာ ကောင်းတယ်လို့ပြောတာပဲ ဒီဘုန်းကြီး ငါ့နွားကြီးသေတာကို ကောင်းတယ်ပြောရသလား" ဆိုပြီးတော့ပေါ့လေ. . .ဒါပေမယ့် ထုံးစံအတိုင်း သူ့ဝတ်မပျက် ဆရာတော်ကြီးကိုတော့ ဆက်ကပ်နေပါသတဲ့. . . . ဒီလိုနဲ့ မကြာလိုက်ခင် မှာပဲ အဲဒီဒကာကြီးရဲ့မြေး သစ်ပင်ပေါ်က လိမ့်ကျပြီး ပေါင်တစ်ဖက် ကျိုးသွားပြန်ပါရော. .

နောက်နေ့ရောက်တော့ ဆရာတော်ကြီးကို မြေးလေး အကြောင်းဝမ်းနည်းပက်လက် လျှောက်ထားပြန်တဲ့အခါ ဆရာတော်ကြီးက ထုံးစံအတိုင်း သာဓုသုံးကြိမ်ခေါ်ပြီး ထပြန်သွားသတဲ့. . . .ဒီတစ်ခါတော့ ဒကာကြီးက အတော် လေး မကျေမနပ် ဖြစ်သွားတယ် "ဒီဘုန်းကြီး ငါကတော့ ကြည်ညိုအားကိုးလွန်းလို့ နေ့စဉ်မပြတ် ခဲဖွယ်ဘောဇဉ် တွေ ဆက်ကပ်လှူဒါန်းခဲ့ရတာ ငါ့မှာ သောကနဲ့ ကြုံတော့ နွားသေတာကိုလည်း သာဓု ၊ မြေးလေး ပေါင်ကျိုး တာ ကိုလည်း သာဓုခေါ်နဲ့ . . . . ကဲဒီလောက်တောင် ရှိလှတာ သူ့မှာ ဒီလိုကြုံလာတော့ သာဓုခေါ်နိုင်အုံးမလား . . . "ဆိုပြီး ဆရာတော် ဆွမ်းခံကြွတဲ့ အခါ တောစပ်ကနေ ချောင်းရိုက်မှပဲလို့ ဒေါသအလျောက် စဉ်းစားပြီး နောက် နေ့ဆရာတော်ကြီး ဆွမ်းခံလာချိန်ရောက်တော့ တောစပ်က ချုံကွယ်မှာ ၀ါးရင်းတုတ်တစ်ချောင်းကိုင်ပြီး ပုန်း ကွယ်နေသတဲ့. .ဆရာတော်ကြီး ဆွမ်းခံကြွလာလို့ ဒကာကြီးပုန်းနေတဲ့ချုံနားရောက်တဲ့အခါ ဒကာကြီးက နေရာ ပြင်လိုက်တော့ ချွတ်ချွတ် အသံကြားလို့လှည့်ကြည့်လိုက်တော့ ကျောက်ခဲတစ်လုံးနဲ့ ခလုတ်တိုက်မိပြီး ဆရာ တော်ရဲ့ မြေသပိတ်ကြီးက လွတ်ကျပြီးကွဲသွားသတဲ့. . . အဲဒီအခါကျတော့လည်း ဆရာတော်ကြီးက သပိတ်ကွဲ တွေကို ကြည့်ပြီး "သာဓုဗျာ၊ သာဓု "လို့ သုံးကြိမ်ခေါ်ပြန်သတဲ့. . .အဲဒီတော့ ဒကာကြီးစိတ်ထဲမှာ " ဒီဘုန်းကြီးက သူ့သပိတ်ကြီး ကွဲသွားတော့လည်း သာဓုခေါ်တာပဲ၊ ဒီသာဓုဟာ "တစ်ခုခုထူးလို့ဖြစ်မယ် . ငါပြစ်မှားလို့ မတော် သေးဘူး . . . အကြောင်းစုံသိရအောင်လျှောက်ထားကြည့်ဦးမှ ဆိုပြီး စိတ်ပြောင်းသွားတယ် . . . ပြီးတော့မှာ လက်ထဲက တုတ်ကိုချ ပြီး ဆရာတော်ကြီးနားကို သွားပြီး "ဆရာတော် . . . . ဆရာတော်ဟာ ဘာမဆို သာဓုချည်း ခေါ်နေတာပဲ၊ ဆရာတော့်သာဓုက ဘာအဓိပ္ပါယ် လဲဆိုတာ ရှင်းပြပါဦးလို့ "လျှောက်ထားသတဲ့၊ ဆရာတော် ကြီးက . . . "ဟဲ့ဒကာရဲ့ သာဓုပါဆိုမှ ကောင်းတယ်လို့ ဆိုတာပေါ့လို့ "မိန့်ကြားလိုက်တယ်. .ဒကာကြီး က တယ်ပြီးဘ၀င်မကျလှပဲ အရှင်ဘုရား တပည့်တော်ကြီး နွားကြီးတစ်ကောင် တောင်သူလုပ်ငန်း ချိန်မှာ သေသွား တာများ ဘာကောင်းလို့လည်း ဘုရားဆိုတော့ "ဟဲ့ဒကာရဲ့ မင်းရဲ့ အတိတ်အကုသိုလ်ကံ အကျိုးပေးချိန် ရောက် လာလို့ ဒီအချိန်မှာ မင်းအိမ်က ခြေလေးချောင်း ထွက်ကိန်းဆိုက်လာတာကွဲ့ အဲဒါနွားကြီးသေလို့ ကျိန်းကျေ သွားတာပေ့ါ . . .နွားမသေဘဲ လူသာသေမယ်ဆိုရင် နှစ်ယောက်တောင် ပျက်စီးကိန်းကြုံမှာကွယ့်လို့" ရှင်းပြ လိုက်တော့ ဒီလိုဆိုတော့လည်း "နွားသေသွားတာက ကောင်းတောင်း တောင်းပေါ့ ဘုရားလို့ "၀န်ခံသတဲ့။

"ဒါဖြင့်မြေးကလေး ခြေထောက်ကျိုးရတာကောဘုရား" ဆိုတော့ "အေး. . . မင်းမြေးခြေထောက်ကျိုးလို့ပေ့ါ မင်းမြေးကငယ်သေးတော့ "ငယ်ကျိုးပိုသန်တယ်" လို့ ဆိုသလို မြန်မြန်ပြန်ကောင်းနိုင်သလို မင်းကလည်း သူ့ကို ကောင်းကောင်းပြုစုစောင့်ရှောက်နိုင်တာပေ့ါ မင်းမြေးမကျိုးပဲ မင်းသာကျိုးမယ်ဆိုရင် လူကြီးဆိုတော့ ပျောက်ခဲ့မယ်. . မြေးကလေးကလည်း မင်းကို ဘယ်လိုလုပ်စောင့်ရှောက်နိုင်ပါ့မလည်း ဒါကြောင့် သာဓု ခေါ်ရ တာကွယ့်လို့" ဆိုတော့ "ဒီလိုဆိုတော့လည်း အရှင်ဘုရားရဲ့သာဓုက နေရာကျသားပဲ ခေါ်သင့်ပါတယ် ဘုရား. . . "တဲ့.."ဒါဖြင့် အရှင်ဘုရား သပိတ်ကြီးကျကွဲတာကိုကြည့်ပြီး သာဓုခေါ်တာကျတော့ကော ဘယ်လိုအဓိပ္ပါယ်လဲ ဘုရား. . . . "ဆိုတော့ ဆရာတော်ကြီးက ဒကာကြီးကို ပြုံးပြုံးကြီး ကြည့်ရင်း "အေး . . . ငါ့သပိတ်ကွဲပေလို့ပေ့ါ မကွဲရင် ငါ့ခေါင်းကွဲရောပေ့ါလို့ဖြေလိုက်ရော. . ." ဒကာကြီး မြေကြီးပေါ်ကို ဒူးတုပ်လိုက်ပြီး "တပည့်တော် မလိမ္မာလို့ တစ်ခါမိုက်မိတာကို ခွင့်လွှတ်တော်မူပါဘုရားလို့ . . . "တောင်းပန်လိုက်တော့သတဲ့. . . .ဒါကြောင့် ပုထုဇဉ်တို့ရဲ့ အတိတ်ကံစာရင်းကတော့ ကမ္မဘဏ်တိုက်မှာ သာရှိပြီး ဘယ်သူမှ ပြန်ကြည့်နိုင် စွမ်းမရှိ ကြလေ တော့ ပုထုဇဉ်တို့ရဲ့ သံသရာ ခရီးလမ်းမှာ ဘယ်လိုကံကြွေးတွေရှိတယ်ဆိုတာကို မသိနိုင်ပါဘူး . . ပေးဆပ်လိုက် ရတဲ့ အခါမှသာ "ဒီလိုအကြွေးတွေရှိခဲ့သကိုး" လို့  သံဝေဂတွေပွားပြီး သံသရာမှာ ဒီလိုကြွေးမျိုး ကင်းဝေးအောင် ကြိုးစားကြရမယ့်သဘောပါပဲ . . .

ပြုသူအသစ်၊ ဖြစ်သူအဟောင်း ဆိုတဲ့ ရှေးဆိုရိုးအတိုင်းပဲ ဖြစ်သမျှအကောင်း၊ အဆိုးဆိုတာ ရှေးကံဟောင်းတို့ရဲ့ အကျိုးဆက်ပဲ လို့ အရာရာကို အလိုက်သင့်နှလုံးသွင်းလိုက်ရင် အားလုံး စိတ်ချမ်းသာပါတယ်. . .

ဘာပဲဖြစ်ဖြစ် သတ္တ၀ါတွေအားလုံး သံသရာဝဋ်ကြွေးရှိသမျှ ဒီဘ၀မှာပဲ ဒီမျှနဲ့ပဲ ကျေကြပါစေလို့ ဆုတောင်း မေတ္တာပို့သလိုက်ရပါတယ်. ..

ဓမ္မဘေရီ အရှင်ဝီရိယ (တောင်စွန်း)Justify Full
(လယ်တီဆရာတော် ဦးဝိလာသ၏တရားထဲမှ ပုံပြင်ကို ကောက်နှုတ်ဖော်ပြပါသည်)

အလိုအပ်ဆုံးအရာ

တစ်နေ့မှာ အမျိုးသမီးတစ်ဦးဟာ အိမ်အပြင်ကို ထွက်အလာမှာ အိမ်ရှေ့မှာ ထိုင်နေတဲ့ အဖိုးအို သုံးဦးကို တွေ့လိုက်ရပါတယ်.. အဖိုးအို သုံးယောက်လုံးဟာ ဖြူဖွေးတဲ့ မုတ်ဆိတ်မွှေးများ ကိုယ်စီ ရှိကြပါတယ်.. အမျိုးသမီးက အဖိုးအို သုံးဦးကို ကြည့်ပြီး သူမ မသိတဲ့ သူတွေ ဖြစ်နေတဲ့အတွက် အနည်းငယ်တော့ ဇဝေ ဇ၀ါ ဖြစ်သွားခဲ့ပါတယ်..

“အဖိုးတို့ကို ကျွန်မ တစ်ခါမှ မတွေ့ခဲ့ဖူးဘူးလို့ ထင်ပါတယ်… ဒါပေမဲ့ ဘယ်လိုဘဲဖြစ်ဖြစ်ပါ.. အဖိုးတို့ကို ကြည့်ရတာ ဆာနေရောပေါ့နော်.. အိမ်ထဲကို ၀င်ပါလား.. ကျွန်မ တစ်ခုခုနဲ့ ဧည့်ခံပါရစေ.. ” လို့ အမျိုးသမီးက အဖိုးအိုတို့ကို ပြောပါတယ်…

“အိမ်ထဲမှာ ယောက်ျားသား တစ်ယောက်ယောက် ရှိသလား” လို့ အဖိုးတို့က ပြန်မေးပါတယ်..

“ မရှိပါဘူးရှင်.. သူအပြန်ထွက်သွားပါတယ်…”

“ ဒါဆိုရင် ငါတို့ ၀င်လို့ မဖြစ်ဘူး” လို့ ပြန်ပြော ပြီး အဖိုးအိုတို့က သူမရဲ့ ဖိတ်ခေါ်ချက်ကို ငြင်းပယ်ပါတယ်…

ညနေစောင်းလို့ သူမယောက်ျား ပြန်ရောက်လာတဲ့အခါ အမျိုးသမီးက အကျိုးအကြောင်း ပြောပြပါတယ်… သူမ အမျိုးသားက “ ကောင်းပြီလေ… ငါပြန်ရောက်ပြီဘဲ.. သူတို့ကို အိမ်ထဲကို လာခဲ့ဖို့ ပြန်ဖိတ်ခေါ်ခဲ့.. ” လို့ပြောပါတယ်..

အမျိုးသမီးကလဲ အိမ်အပြင်ဘက် ပြန်ထွက်လာပြီး အဖိုးအို သုံးဦးကို ဖိတ်ခေါ်ပြန်ပါတယ်…

အဖိုးအိုတို့က “ ငါတို့က သုံးယောက်လုံး တစ်ပြိုင်တည်း ၀င်ဖို့ မဖြစ်နိုင်ဘူး” လို့ ပြန်ပြောပြန်ပါတယ်…

အမျိုးသမီးက သိချင်စိတ်ဖြစ်လာတာနဲ့ “ဘာကြောင့် သုံးယောက်လုံး တစ်ပြိုင်တည်း ၀င်ဖို့ မဖြစ်နိုင်ရတာပါလဲ” လို့ မေးပါတယ်..

အဖိုးအို တစ်ဦးက အခြားအဖိုးအို တစ်ဦးကို လက်ညိုးညွှန်လိုက်ရင်း “သူ့နံမည်က ဦးချမ်းသာ ဖြစ်ပါတယ်… ” နောက်တစ်ဦးကို လက်ညိုးထပ်ညွှန်ရင်း “သူကတော့ ဦးအောင်မြင် ၊ ကျုပ်နံမည်ကတော့ ဦးမေတ္တာပါ…. အဖိုးတို့ သုံးယောက်မှာ တစ်ယောက်သွားရင် ကျန်တဲ့၂ယောက်က နေခဲ့ရမှာ ဖြစ်ပါတယ်… ကဲ အခု အိမ်ထဲကို ပြန်သွားပြီး အဖိုးတို့ သုံးယောက်ထဲက ဘယ်သူ့ကို အိမ်ထဲဝင်ခွင့် ပြုမလဲ ဆိုတာကို သမီးယောက်ျားနဲ့ သွားတိုင်ပင်လိုက်ပါဦး.. ” လို့ပြောပါတယ်..

အမျိုးသမီးဟာ အိမ်ထဲကို ပြန်ဝင်သွားပြီး သူမယောက်ျားနဲ့ တိုင်ပင်ပါတယ်… သူ့ယောက်ျားက ပျော်ရွှင် ၀မ်းသာ စွာနဲ့ “ အိုး ဘယ်လောက် ၀မ်းသာစရာ ကောင်းလိုက်သလဲ.. ကဲ.. ဒီလိုဆိုရင် ဦးချမ်းသာကို သွားခေါ်ခဲ့ ..သူ အိမ်ထဲရောက်လာရင် ငါတို့ တစ်အိမ်လုံး ချမ်းသာခြင်းကို ပိုင်ဆိုင်ပြီပေါ့ကွာ…” လို့ပြောလိုက်ပါတယ်..

သူ့မိန်းမက သဘောမတူပါဘူးတဲ့… “ ယောက်ျားရယ်… ကျွန်မတို့ ဘာကြောင့် ဦးအောင်မြင်ကို မဖိတ်ခေါ်ရမှာလဲ.. အောင်မြင်လာပြီဆို ချမ်းသာခြင်းကလဲ အလိုလို ရောက်လာတော့မယ်လေ.. မဟုတ်ဘူးလား ” လို့ပြောပါတယ်..

အိမ်ထောင့်တစ်နေရာမှာ ငြိမ်ငြိမ်လေး နားထောင်နေတဲ့ သမီးလေး ဖြစ်သူက “ဘာဖြစ်လို့ ဦးမေတ္တာကို မဖိတ်ခေါ်ရမှာလဲ .. ချစ်ခြင်းမေတ္တာသာ ရှိရင် အရာရာ ပြည့်စုံပြီပေါ့.. အိမ်မှာ ချစ်ခြင်းမေတ္တာတွေသာ လွှမ်းမိုးနေမယ်ဆိုရင် ဘယ်လောက်များ သာယာ ပျော်ရွှင်စရာ ကောင်းမလဲ” လို့ ပြောပါတယ်..

ဒီတော့ သူမလေးရဲ့ အဖေက “ ဟုတ်တယ် ငါ့ သမီးလေး ပြောတာ မှန်တယ်.. သွား မိန်းမရေ.. ဦးမေတ္တာကိုသာ အိမ်ထဲကို ဖိတ်ခေါ်ခဲ့ဟေ့.. သူသာ ငါတို့ အတွက် အကောင်း ဆုံးဧည့်သည် အဖြစ်ထိုက်ဆုံးပဲ ” လို့ပြောလိုက်ပါတယ်…

အမျိုးသမီးကြီးလဲ အိမ်အပြင်ဘက် ပြန်ထွက်လာပြီး အဖိုးအို သုံးဦးကို “ အဖိုးတို့အထဲက ဘယ်သူက ဦးမေတ္တာပါလဲရှင်… ဦးမေတ္တာကို ကျွန်မတို့ အိမ်ရဲ့ ဧည့်သည် အဖြစ် ရွေးချယ် လိုက်ပါပြီ.. အိမ်ထဲကို ကြွပါရှင်” လို့ပြောလိုက်ပါတယ်…

ဦးမေတ္တာဖြစ်တဲ့ အဖိုးအိုတစ်ဦးက ထိုင်ရာမှ ထလိုက်ပြီး အိမ်ထဲကို လျှောက်လှမ်း သွားပါတယ်.. ကျန်တဲ့အဖိုးအို နှစ်ဦးကလည်း ထိုင်ရာမှ အသီးသီး ထ လိုက်ကြပြီး ဦးမေတ္တာ နောက်ကို လိုက်လာကြပါတယ်….

အမျိုးသမီးဟာ အံ့သြသွားပြီး “ကျွန်မဖိတ်တာ ဦးမေတ္တာဆိုတဲ့ အဖိုး တစ်ယောက်ထဲ ကိုပါ.. အဖိုးတို့ ၂ယောက်က ဘာကြောင့် လိုက်လာကြပါသလဲ…. အဖိုးတို့ပြောတော့ သုံးယောက်လုံး တစ်ပြိုင်တည်း အိမ်ထဲဝင်လို့ မရဘူးဆို ” လို့ မေးလိုက်ပါတယ်…

အဖိုးအို သုံးဦးတို့ဟာ “တကယ်လို့ သမီးကသာ ဦးအောင်မြင် ဒါမှမဟုတ် ဦးချမ်းသာ တစ်ဦးဦး ကိုသာ ဖိတ်မယ်ဆိုရင် ကျန်၂ယောက်က အပြင်မှာနေခဲ့မှာပါ.. ခုတော့ သမီးတို့က ဦးမေတ္တာကို ဖိတ်ခေါ်တဲ့ အတွက် အဖိုးတို့က သူသွားရာနောက်ကို လိုက်ရပါတယ်.. ဘယ်နေရာမှာဘဲ ဖြစ်ဖြစ် ချစ်ခြင်းမေတ္တာနဲ့ ပြည့်စုံနေရင် ချမ်းသာခြင်းနဲ့ အောင်မြင်ခြင်းဟာ လိုက်ပါလာစမြဲပါကွယ် လို့ ပြန်ဖြေပါတယ်….”

——————————————————————————————
——-
စာဖတ်သူတို့ကရော ယခုလို ဦးချမ်းသာ၊ ဦးအောင်မြင်၊ ဦးမေတ္တာ ဆိုတဲ့ အဖိုးအို သုံးဦးနဲ့များ ဆုံတွေ့ခဲ့ရင် ဘယ်သူ့ကို ရွေးချယ်မှာပါလဲ…. ဦးမေတ္တာကို ရွေးချယ်မှာပါလား?.. ဟုတ်ပါတယ်နော်… အိမ်တစ်အိမ်မှာ အရေးအကြီးဆုံးက ချစ်ခြင်းမေတ္တာပါ.. မိသားစုတွေ တစ်ဦးနဲ့တစ်ဦး ချစ်ချစ်ခင်ခင် စည်းစည်းလုံးလုံး ရှိဖို့က သိပ်ကို လိုအပ်ပါတယ်… ဘယ်လောက်ပဲ ငွေကြေး ချမ်းသာနေပါစေ.. ဘယ်လောက်တောင် အောင်မြင်တိုးတက် နေတဲ့ အိမ်တစ်အိမ် ဖြစ်နေပါစေ.. မိသားစုဝင်တွေ အချင်းချင်း ချစ်ခင်ကြင်နာမှု မရှိဘဲ.. မသင့်မမြတ် ဖြစ်နေကြမယ်ဆိုရင် စိတ်ချမ်းသာ ပျော်ရွှင်စရာကောင်းတဲ့ မိသားစု မဖြစ်နိုင်ပါဘူးနော်… အိမ်သားတွေ တစ်ဦးနဲ့တစ်ဦး ချစ်ချစ်ခင်ခင်ရှိပြီး စီးပွားရေး၊ ကြီးပွားရေး တို့ကို ၀ိုင်းဝန်းလုပ်ဆောင်ကြရင် ချမ်းသာခြင်းနဲ့ အောင်မြင်ခြင်းကို ရရှိဖို့ လွယ်ကူပါတယ်.. ဒါကြောင့် အိမ်တစ်အိမ်မှာ မရှိမဖြစ် အလိုအပ်ဆုံး ဖြစ်တဲ့ ချစ်ခြင်းမေတ္တာတရားကို တစ်ဦးနဲ့ တစ်ဦး ပြည့်ပြည့်၀၀ ထားနိုင်ဖို့ ကြိုးစားကြပါစို့လားရှင်…


တင်ဦး ပို့ လိုက်တာ ကြိုက် လို့ post တင်လိုက်တာပါ။