ပုလုံး ၆ လ ပြည့် ပြီ

မြေးလေးပုလုံး၆လပြည့်ခါနီးတော့ဘိုးဘိုးမြေးလေး ကို လွမ်းတာနဲ့ စင်ကာပူကို လာခဲ့ရပြန်ပြီ။ လေယာဉ်စရိတ်ပဲ ကုန်တာလေ၊ စားတော့နေတော့ သမီးအိမ်မှာ ဆိုရင် ဘာမ မ၀ယ် ရင် ဘာမှ မကုန်ဘူး။ ပုလုံးမွေးတော့အမေ မရှိတော့တဲ့ မြေးလေး ရဲ့မေမေ အားမငယ်ရအောင်ဘိုးဘိုး စင်ကာပူကိုအရင်တစ်ခေါက် ကလာခဲ့တယ်လေ။ ပုလုံးလေး မွေးတာကိုအားပေးပြီး ရက်သားလေးမှာပဲဘိုးဘိုးရန်ကုန်ကိုပြန်ခဲ့ ရတယ်။ ပုလုံးမေမေကတော့ ဘိုးဘိုးဆီကိုဓါတ်ပုံတွေပို့ပေးလို့ ပုလုံးလေးရုပ်ပိုင်းဆိုင်ရာတိုးတက်မှုတွေ၊ စိတ်ပိုင်းဆိုင်ရာ တိုးတက်မှုတွေကို သိခဲ့ ရတယ်။VZO ကတဆင့်ပုလုံးကြီးထွားမှုကိုမြင်ခဲ့ရတယ်။ ဘိုးဘိုး Changi လေဆိပ်ရောက်ရောက်ချင်းပဲ မှန်ရဲ့တစ်ဖက်မှာ ပုလုံးကို ၀၀ကစ်ကစ်လေးတွေ့ လိုက်ရလို့ ပီတိတွေဖြာမိခဲ့တယ်။လေဆိပ်က custom ကအိတ်ထဲမှာ ဓါးတစ်ချောင်းတွေ့တယ်၊ဖွင့်ပြပါဆိုတာနဲ့ ချက်ချင်းထွက်မရဘူး။ ဟုတ်တယ်၊ ငါ swiss knife တစ်ချောင်းခရီးထွက်တိုင်းယူသွားတယ်ဆိုပြီးအိတ်ဖွင့်ထုတ်ပြလိုက်တော့မှ ကျေနပ်သွားတယ်။ ဘာလာလုပ်တာ လဲ မေးတော့ ငါ့မြေးလာတွေ့တာဆိုပြီး ရင်ကော့ပြောလိုက်တယ်။ custom ကတာဝန်ခံက မသိမသာလိုက် ကြည့်သေးတယ်။ တံခါး ကထွက်ထွက်ချင်း ပုလုံးတို့မိသားစုအနားရောက်လာတာကိုး။

ပုလုံးကိုချီချင်တဲ့စိတ်တွေမျိုသိပ်ထားရတော့လွယ်ထားတာတွေ၊ဆွဲထားတာတွေအကုန်ချမြေးလေးကို သူ့အဖေ လက်ထဲကနေယူချီလိုက်ပါတယ်။ ပြည့်ပြည့်တုတ်တုတ်လေးဆိုတော့ ချီရတာတနင့်တပိုးကြီးပါပဲ။ ပုလုံးက မျက်လုံးပြူး ကြည့်နေပြီးနောက်တော့ ဘိုးဘိုးကို ရီပြလိုက်လို့ သူ့အမေပြောလိုက်တာ နဲ့ ဘိုးဘိုး ကို နှုတ်ဆက် အပြုံးလေးနဲ့ ကြိုဆိုလိုက်ပါတယ်။ custom ကတာဝန်ခံကလည်းမြေး နဲ့အဘိုးပြန်လည်တွေ့ဆုံပွဲကို ပြုံး ပြီးကြည့် နေလေရဲ့။ တလမ်းလုံး taxi ပေါ်မှာပုလုံးလေးကငြိမ်ပြီ လိုက်လာတယ်လေ။

ပုလုံးကမျက်နှာအရမ်းချိုတယ်။ မြင်သူတိုင်းက သူ့ပါးလေးကိုလိမ်ဆွဲချင်ကြတယ်။ sky park ပေါ်တက်ကြတော့ မိုးရွာလို့ဆိုဖါပေါ်မှာ ခဏစောင့်နေတာ၊ ဘေးမှာ ပြင်သစ်မကြီးတစ်ယောက် လာထိုင်တယ်။ သူတိုလင် မယား၂ယောက်စကားပြော တော့ပြင်သစ်လို ပြောနေကြလို့ပြင်သစ်မှန်း သိတာပါ။ ပုလုံးကကောင်ခါငင်ခါ
ဘေးနားကပြင်သစ်မကြီး ကိုပြုံးပြပြီး စကားတွေ ၀ူးဝါးနဲ့ပြောနေပါရော။ ပြင်သစ်မကြီးကလည်း သဘောကျလွန်း လို့သူကို ပြင်သစ် လိုပြော မြှူပြန်ရော။ ပုလုံးကလည်းဝူးဝါးနဲ့ပြန်ပြော၊ ကိုယ့်မြေး ဖွန်ကြောင်နေတာကို သဘောကျ စွာနဲ့ ကြည့်နေမိ လိုက်တော့တယ်။ shopping mall တွေရောက်လို့ သူအမေ ကပစ္စည်းရွေးနေရင် သူက စာရေးမ ကိုပြုံးပြပြီး ဖွန်ကြောင်ပါရော။ ဆိုင်က စာရေးမကသူအမေပစ္စည်းရွေးနေတာကို မကြည့် နိုင်ဘူး၊ အဘိုး ကိုယ်ပေါ်က ပုလုံးကို ပါးဆွဲ လက် ကိုင်နဲ့ မနေနိုင်ဘူး၊ လာလာမြှူနေတတ်တယ်။ စလုံးမတွေချစ်စရာကောင်းတဲ့ ခလေးတွေ့ရင် ဟန်မဆောင်နိုင်ကြတော့ဘူး။ ဒါနဲ့သမီးကအသားညိုတော့ ပုလုံးကို carrier နဲ့ချီသွားရင် စလုံး ခလေး ကို ထိန်းနေတဲ့ ဖအုတ်ထုတ် လို့ထင်မှာ လို့ပြောရတယ်။

ဒီကောင်ကအချိန်မှန်တော့ လုပ်တတ်တယ်။ NUH ဆေးရုံကိုသူcheck up သွားလုပ်တော့ဟိုလုပ်ဒီလုပ်နဲ့ ၁၂နာရီနားရောက်သွားရော။သူအမေကသိတယ်၊ဒီကောင် ၁၂ နာရီဆိုရင်အီးအီးပါနေကြပဲ။ အီးအီးပါထား သလားစစ် ကြည့် လိုက်တော့ ဟုတ်ပါဗျာ၊ diaper ထဲမှာအီးအီးပါထားပါရော။ ဒါနဲ့သူသား ကိုချီပြီး ဆေးရုံ အမျိုးသမီးအိမ်သာနားကအခန်းထဲဝင်သွားတယ်။ diaper လဲပေးတဲ့ အခန်းလေး တစ်ခုလုပ်ပေးထားတယ်။ စင်ကာပူမှာ ဆေးရုံမှ မဟုတ်ဘူး၊နေရာတော်တော်များများမှာ အမျိုးသမီးအိမ်သာခန်းနဲ့ကပ်လျက် diaper လဲတဲ့အခန်းလေးတွေစီစဉ်ပေးထားတယ်။

ပုလုံးက၀တာလဲမပြောနဲ့၊ သူအမေဘာကျွေးကျွေးစားတတ်တယ်။နို့ ဆာရင်သူအော်တဲ့အသံကတစ်မျိုး၊ သိသာတယ်၊မအေကတော့ကောင်းကောင်းသိတာပေါ့၊သူ့သားဘာလိုချင်နေပြီလဲဆိုတာ။ ပုလုံးက နေမကောင်း ရင် ညည်းပြီးသူ့အမေကိုပဲကပ်တယ်။ နေကောင်းနေရင် တော့အဖေနဲ့နေရတာ ပိုပျော်ပုံရတယ်။ အဖေကသူနဲ့ ကစားတာကိုး။အမယ် မှောက်ပဲမှောက်တတ်သေးတာ ကစားတာတော့ မက်သလားမမေးနဲ့၊ အဖေနဲ့ကစားရင် သူကျေနပ်တဲ့ထိ ကစားရတယ်။ မကစားပဲရပ် လိုက် ရင် နှုတ်ခမ်းကြီးစူပြပြီးစိတ်ကောက်ပါလေရော။ ကြံကြံ ဖန်ဖန် သူအမေကလည်း အဲဒီလိုပုံတွေကိုမှတ်တမ်းတင်ထားတယ်။

ပုလုံးကနို့စို့နေရင်ခေါင်း လေး ကို ကုတ်တတ်တယ်။ အဲဒါသူ့အကျင့်ပဲ။နို့ကို လည်းဘယ်တော့မှ ကုန်အောင် မစို့တတ်ဘူး။ သူဆာနေရင် communicate လုပ်တဲ့အသံကသိသာတယ်။ ဒီကောင်နို့ဆာနေပြီ လို့ပြောလို့ ရတယ်။ သူ့အမေနဲ့အဖေကြားမှာအိပ်တယ်။ တညလုံးလှိမ့်တာဟိုရောက်ဒီရောက်ပဲ။ ထူးခြားတာက တစ်ခါတလေ မနက် ၂ နာရီလောက်နှိုးနေပြီး ခြေလှုပ် လက်လှုပ်ဆော့နေတတ်တယ်။ ပါးစပ်ကလည်း တ၀ူးဝူးတ၀ါးဝါးနဲ့ ဘယ်သူနဲ့စကားပြောနေမှန်း မသိဘူး၊ ငိုလည်းမငို အော်လည်းမအော်နဲ့ မနက် ၅နာရီလောက်ကြမှ ပြန်အိပ်သွားတတ်တယ်။

အမေအဖေကို ဒုက္ခလည်းမပေးဘူး။ ပထမတော့ သူ့အမေနဲ့ အဖေက ချော့သိပ်သေးတယ်၊ နောက်တော့ဒီတိုင်း ပစ်ထားလိုက်ရော။ အဘိုး ကနတ်သူငယ်နဲ့စကားပြောနေတာနဲ့တူတယ် လို့ပြောရတယ်။ ဟုတ်တယ်လေ၊ စကားမပြောတတ်တဲ့အချိန် ခလေးဘ၀ကဖြစ်ပျက်ခဲ့တာတွေဟာလူတိုင်းအတွက် လျှို့ဝှက်ချက်တစ်ခု ပဲမဟုတ် လား။

ပုလုံးကိုအပြင်ခေါ်သွားရင်ပတ်ဝန်းကျင်ကိုကြည့်ပြီးငြိမ်နေတတ်တယ်။ကားတွေ၊ လူတွေသွားကြလာကြတာကို ကြည့်နေတတ်တယ်။တော်ယုံနဲ့မအော်တော့ဘူး၊ မငိုတော့ဘူး၊carrier ပေါ်မှာလည်းကောင်းကောင်း လိုက် တယ်၊ push chair ပေါ်မှာလည်းငြိမ်လို့ပဲ။ MRT နဲ့ဆိုရင်သူ့မေနဲ့သွားလို့ရတယ်။ စင်ကာပူမှာက ခလေးအမေ တွေ push chair လွယ်လွယ်တွန်းရအောင်ပလက်ဖေါင်းပေါ်တက်တာကအစ၊ MRT အောက်ဆင်းအပေါ် တက်တွေ မှာ lift တွေရှိနေတော့အမျိုးသမီး(အမေ)တစ်ယောက်တည်းလည်းဖြစ်တယ်။ MRT ပေါ်ရောက်ရင် နိုင်ငံကြီးသားပီသစွာ နေရာကထပေးကြတာများပါတယ်။ ဘတ်စ်ကားကြတော့ push chair ကိုခေါက်ပြီး ခလေး ကို ချီတက်ရတော့ အမေတစ်ယောက်တည်းမဖြစ်ဘူး၊ အမေကောအဖေကောပါမှ ဖြစ်မယ်။

ပုလုံး၆လပြည့်တဲ့နေ့ ကအမှတ်တရသမီးတို့မိသားစုနဲ့အတူ sky parkပေါ်တက်ကြတယ်။ လူသားတွေရဲ့ ဗိသုကာပညာရပ်ကတော့အံ့စရာပါပဲ။ စင်ကာပူတစ်မြို့လုံးအပြင် ပင်လယ်ပြင်ထိမြင်ကွင်း ကတော့အင်မတန်မှ အံ့မခန်းသာယာဖွယ်ရာတစ်ခှုပါ။ စင်ကာပူနိုင်ငံအနေနဲ့ tourists တွေဆီကသဲ့ယူလိုက်နိုင်တဲ့ငွေ တွေဟာအား ကျ စရာကောင်းလှပါတယ်။ sky park ပေါ်တက် ကြည့်ရင် စင်ကာပူဒေါ်လာ ၂၀ ပေးရပါတယ်။ မြေးလေး ပုလုံးက ငယ်သေးတော့ဒါတွေမခံစားတတ်သေးပါ။ စင်ကာပူမှာနေခဲ့တဲ့ ၁၆ ရက်တာကာလအတွင်း ပုလုံးနဲ့ပဲ အချိန်ဖြုန်းခဲ့ရတော့ မြေး နဲ့ အဘိုးကြားမှာ ရင်းနှီးမှုတည်ဆောက်နိုင်ခဲ့ရော။ အမေနဲ့ ရန်ဖြစ်ရင် အဘိုး ပေါ်ရောက်လာရော။ ၁၇ ပေါင်ရှိတဲ့ ပုလုံးကို အမေ ကမနည်း ချီနေရတယ်လေ။ အဘိုး လည်း လက်မောင်း ပြုတ် လုနီးပါးနင့်နေအောင် ချီရတာပါ။အဘိုးရင်ခွင်ပေါ်မှာ ဆို ရင် မြေးလေးကငြိမ်နေပဲလေ။ တိုက်အောက်ခေါ် သွားပြီး ဇရက်တွေ၊ ခိုတွေကို ပြလိုက်ရင်ငြိမ် လို့၊ ပတ်ဝန်းကျင်ကိုတော်တော် စိတ်ဝင်စားတဲ့ ကောင်ပဲ။ ၆ လသားပေမဲ့ သင်ပေးရင်တော်တော် လေးနားလယ်နေတော့ ဥာဏ်ကောင်းမဲ့ကောင် လို့ပဲယုံကြည်မိပါ တော့တယ်။ အပြင်ထွက် ချင်ရင်လက်ညှိုးထောင်ဆိုရင်ထောင်ရှာတယ်။

အကြွေး

စင်ကာပူရောက် မတောက်တခေါက်လူ (ဘ၀မြင့်၊ ဝေဖန်တတ်သူ၊ ဇွတ်လုပ်တတ်သူ တဦး)

ပြည်ပရောက်မြန်မာများ .. စီးပွားရေးလာရှာရင်း ရေတိမ်နစ်သူတွေ တော်တော်များနေပါတယ်။ ပျက်အစဉ် .. ပြင်ခဏဆိုတဲ့ စကားပုံရှိတော့ ပျက်စီးနေသူများ ..သူတို့ဘ၀ကိုဆက်လက် မနစ်မွန်းစေချင်တဲ့အတွက် ဒီစာကို ရေးရပါတယ်။ ကျွန်တော်ကိုယ်တိုင်က .. စင်ကာပူမှာ စီးပွားရေးသမားမဟုတ်ပဲ ဒေ၀ါလီခံရတဲ့ (Bankrupt) ဘ၀ပျက်စာရင်းဝင်ဖြစ်ပေမဲ့ ဘုရားနဲ့နတ်စောင့်တဲ့အတွက် လုံးပါးမသွားသေးပါဘူး။ အသက်ရှင်နေပါသေးတယ်။ စီးပွားရေးမလုပ်ပဲ ဘာကြောင့် အကြွေးတွေအများကြီးတင် Bankrupt ဖြစ်သွားရပါသလဲ ဆိုတော့ ဘဏ်တွေရဲ့ Bank Loan တွေနဲ့ Credit Card တွေရဲ့ Cash Advance တွေကို ဇနီးသည်နဲ့ဆန့်ကျင်ပြီး နှစ်ရှည်လများစွာ သုံးစွဲမိလို့ပါ။

လူတိုင်း ငွေချမ်းသာချင်ကြပါတယ်။ အထူးသဖြင့် ငယ်ရွယ်စဉ်ကတည်းက ချမ်းသာကြွယ်ဝအောင် ဘယ်လို လုပ်မလဲ ... နည်းမျိုးစုံနဲ့ကြိုးစားရင်း၊ လောကစည်းစိမ်တွေကိုလည်း ရသလောက်ရယူကြပါတယ်။

ပထမတော့ ပညာဆည်းပူးတယ်။ စင်ကာပူရောက်လူသူ အများစုကတော့ ပညာတတ် (ဘွဲ့၊ဒီပလိုမာ) အများ စုဖြစ်ပါတယ်။ ၂၀၀၀ နောက်ပိုင်းတော့ အလုပ်သမား (ကျား၊မ) မျိုးစုံ ၁၀တန်းမအောင်ပေမဲ့ အလုပ်လုပ် ခွင့်ရ လာကြတယ်။ ကျွန်တော်ဟာ တလ ဒေါ်လာ၆၀၀လောက်ပဲရတဲ့ မိန်းမငယ်လေးတစ်ဦး ရောင့်ရဲနေထိုင်စု ဆောင်းရင်း ၁၀နှစ်အကြာ မြန်မာပြည်မှာ သိန်း၃၀၀တန်တဲ့အိမ်တစ်လုံး ၀ယ်ပေးခဲ့ဖူးပါတယ်။ စင်ကာပူမှာ တစ်လ ဒေါ်လာ ၃၀၀၀ကျော် ၀င်ငွေရှိနေသူတွေ မြန်မာပြည်မှာရော၊ စင်ကာပူမှာရော အိမ်တစ်ခုမှ မ၀ယ်နိုင် တာ အများကြီးပါပဲ။

ကျွန်တော်ကတော့ စင်ကာပူရောက်ပြီး ၀င်ငွေ တစ်လ ဒေါ်လာ၃၀၀၀ကျော်ရတော့ ထုံးစံအတိုင်း၊ လောက စည်းစိမ်တွေ ခံစားတာပေါ့။ ဇနီး၊သားသမီးရှိတော့ နောင်ရေးကြည့်ရသေးတယ်။ အရက်သမား၊ဆေးသမား၊ မိန်းမလိုက်စား၊ လောင်းကစားသမားတော့ မဟုတ်ပေမဲ့ တစ်နှစ်တစ်ခါ၊နှစ်ခါလောက်တော့ ဒီ ဘုရားမကြိုက်တဲ့၊ နတ်ဆိုးဆွဲဆောင်ရ မဟုတ်တဲ့အလုပ်တွေ လုပ်မိပါတယ်။ သို့သော်လည်း ငွေကြေးချမ်းသာချင်တဲ့စိတ်က ရှိတော့ ငွေကုန်တဲ့အလုပ်တွေကို ရှောင်နိုင်ပါတယ်။ သို့သော်လည်း ကောင်းကောင်းစားသောက်၊ နေထိုင်ချင်တဲ့ ဆန္ဒကြောင့် အစားအသောက်ဆိုင်များ၊ နောက်ဆုံးပေါ်ပစ္စည်းတွေသုံးမှုများ၊ မရောင်ရာဆီလူး ရှောက်သုံးတာ တွေကြောင့် သိပ်မစုဆောင်းဖြစ်ပါဘူး။ Credit Card အကြွေးဝယ်ခွင့်အပြင်၊ ငွေချေးငှားခွင့် ကဒ်ပြားကလေးက လည်း စနစ်တကျသုံးဖို့ကြိုးစားပေမဲ့ လက်တွေ့မှာတော့ မလိုအပ်ပဲ သုံးစွဲတာတွေ များနေတယ်။

အဆိုးဝါးဆုံးကတော့ စင်ကာပူမှာ အမြဲတမ်းနေထိုင်ခွင့် PR ရရှိတဲ့အချိန်ကစပြီး .. စင်ကာပူမှာ ကိုယ်ပိုင်အလုပ်လုပ်နိုင်ပြီး ပိုအဆင်ပြေတော့မယ် တွေးတွေးပြီး ဘ၀င်မြင့်လာပါတယ်။ ဒါတွေကတော့ ရွာကမြို့တက်လာပြီး အဆင်ပြေလာတဲ့ တောသားတိုင်း ဖြစ်နေကျ ဘ၀င်မြင့်ရောဂါပါပဲ။ HDB အိမ်ကလေးကို အကြွေးနဲ့ဝယ်လိုက် တယ်။ အိမ်ပိုင်တော့ အိမ်ငှားခငွေ သက်သာသွားတယ်။ တယ်ဟုတ်ပါလား .. ၊ Property make money ဆိုတာ လက်တွေ့မြင်ရတယ်။ ဒါပေမဲ့ အိမ်ငှားခ သက်သာသွားတဲ့ငွေကို စုဆောင်းထားရမဲ့အစား တခြားနေရာမှာ သုံးမိ တယ်။ ၀င်ငွေလေးက ပိုလျှံတော့ Life Insurance သမားတွေ လာကပ်ကြတယ်။ စီးပွားရေးလုပ်ရင် ငွေချေးပြီး လုပ်ရမှာပဲ ဆိုတဲ့ အခြေခံစည်းမျဉ်းကြီးကို အသေကိုင်ထားတဲ့ ကျွန်တော်က ငွေချေးလို့ရတဲ့ Short Term life insurance ကို တစ်လ ဒေါ်လာ၅၀၀ နဲ့စုဆောင်းတယ်။ နောက် ၃နှစ်လောက်နေရင် စုဆောင်းငွေ ဒေါ်လာ ၃သောင်းလောက် ရလာမယ်။ အဲဒီအချိန်ဆို ကိုယ့်ရဲ့ ကိုယ်ပိုင်လုပ်ငန်းလေးလည်း အဆင်ပြေလာချိန် အကိုက် ပဲပေါ့။

ငွေလိုရင် ဘဏ်တွေကနေ အတိုးနှုံး ၁၅ရာနှုံးပေးပြီး ချေးလိုက်တယ်။ နောက်လ လစာရတော့ ဘဏ်ကချေးထား တာ ပြန်သွင်းလိုက်တယ်။ ဒီလို ငွေလိုရင် ဘဏ်က ချေးခွင့်ရတော့ မကြာခဏလုပ်မိတယ်။ နောက်ပိုင်း ဘဏ် တွေကလည်း ၆လ Promotion ပေးပြီး အတိုးကို ၅ရာနှုံးလောက်ပေးနေတဲ့အချိန်ဆိုရင် ငွေမလိုပဲ ဒေါ်လာ၅ ထောင်လောက် ကောက်ချေးလိုက်တယ်။ ပြီးတော့ ကိုယ်လုပ်ချင်တဲ့အလုပ်လေးတွေ ကုမ္မဏီထောင်၊ ပစ္စည်း ၀ယ်၊ ကားဝယ် စတဲ့လုပ်ငန်းတွေ ရှောက်လုပ်တယ်။ နှစ်ကုန်လို့ ဘောနပ်စ် ရတဲ့အချိန်မှာ တခါတလေ ဒေါ်လာ သောင်းနဲ့ချီပြီးရတတ်တော့ အကြွေးတွေကို ပြန်ဆပ်နိုင်တယ်။

ဒီလိုနဲ့ နှစ်အတော်ကြာတော့ အကြွေးတွေကို နှစ်ကုန်တဲ့အခါ ဘောနပ်စ်ရလဲ မဆပ်နိုင်တော့ဘူး။ အပြင်လုပ်ငန်း လုပ်မယ်ဆိုပြီး ထောင်ထားတဲ့ ကုမ္မဏီလုပ်ငန်းကလည်း ထင်သလိုမဖြစ်လာဘူး။ အသုံးစရိတ်တွေက ပိုတက် လာပြီး ၀င်ငွေကလည်း ထင်သလောက်တက်မလာဘူး၊ ကိုယ့်ကုမ္မဏီမှာလည်း လစာတွေတော့ တက်လာပေမဲ့ Basic Pay တလဒေါ်လာ တစ်သောင်းကျော်ရဖို့ဆိုတာ လခစားအလုပ်မှာ ဘယ်ဖြစ်နိုင်ပါ့မလဲ။ Manager, Director ဖြစ်မှ လစာငွေ သောင်းဂဏန်းအထက်ရနိုင်မှာဆိုတော့ Technical အလုပ်ကနေ Manager အလုပ်ဖြစ်အောင်ကြိုးစားရတယ်။ မိသားစု စားဝတ်နေရေးဖူလှုံတော့ ဘ၀တိုးတက်ရေး (ငွေပိုရရှိရေး) အတွက် အပြင်းအထန် ကြိုးစားရပါတယ်။

ငွေပိုမသုံးရေးအတွက် ကြိုးစားရမဲ့အစား ငွေပိုရရှိရေး ကြိုးစားတော့ လုံးဝအမှားလမ်းကြီးကို လျှောက်ရင်း၊ ပိုးဖလံမျိုး မီးကိုတိုးတော့တယ်။

နောက်ဆုံးပြောရရင် ပထမနှစ် အကြွေး ၅ထောင်၊ နှစ်ကုန်တော့ ဘောနပ်စ်နဲ့ ပြန်ဆပ်နိုင်တယ်။ ဒုတိယနှစ် အကြွေး တသောင်း ပြန်မဆပ်နိုင်တော့ဘူး။ ငွေသုံးစရိတ်ကို အထူးဆင်ချင်ရတယ်။ တတိယနှစ် အကြွေး ၂သောင်းဖြစ်လာတယ်။ ကုမဏီက ဘောနပ်စ်နဲ့ တသောင်းလောက် ပြန်ဆပ်နိုင်တယ်။ စတုထနှစ် အကြွေး ၃သောင်းဖြစ်လာတယ်။ မဆပ်နိုင်တော့ဘူး....ဒါပေမဲ့ ဘ၀င်မြင့်နေတုန်းပဲ။ မိဝေးဖဝေး .နိုင်ငံခြားသွားလုပ်ရင် ငွေရမယ်မျှော်လင့်တယ်။ နောက်ထပ် ငွေတစ်သောင်းရအောင်ထပ်ချေးလိုက်တယ်။

ဘယ်လိုချေးသလဲ ... ဘဏ်တခုတည်းကချေးရင် လစာငွေရဲ့ ၂ဆပဲချေးတယ်။ Credit Card နဲ့ချေးရင်လည်း လစာရဲ့ ၂ဆချေးနိုင်တယ်။ ဒီတော့ ဘဏ်တခုက လစာရဲ့ ၄ဆ ချေးနိုင်တာပေါ့။ ဘဏ် ၅ခုလောက်ဆီကဆို လစာရဲ့ ၂၀ဆ ချေးလို့ရတယ်။ ခက်တာက လစဉ်၅ရာနှုံးပြန်ဆပ်ရတော့ ချေးငွေ၃သောင်းဆို တိုးရင်းပေါင်းတော့ တစ်လကို ဒေါ်လာ၂ထောင်နီးပါးပြန်ဆပ်ရတယ်။ ကျွန်တော့လစာလေးက ဒေါ်လာ၃၀၀၀လောက်။ နှစ်ကုန်ရင် ဘောနစ်က ၄လစာရရင် တစ်သောင်းလောက်ပဲရတော့၊ ဒီအကြွေးဒေါ်လာ၃သောင်းကို ပြန်ဆပ်ဖို့ဆိုတာ လက်ရှိ ကိုယ့်အစွမ်းအစနဲ့တော့ မဖြစ်နိုင်တော့ဘူး၊ ဒါနဲ့ ဘဏ်ချေးငွေကို လစဉ် အရစ်ကျပြန်ဆပ်တဲ့ နည်းလမ်း ကလည်း ချေးချင်သူတွေအတွက် အတော်အဆင်ပြေလှပါတယ်။ 6 months Promotion Interest Rate 5% ... နဲ့ ဘဏ်တွေက ပေးပါတယ်။ ၆လအတွင်း မဆပ်နိုင်ရင် တခြားဘဏ်တခု အကောင့်ထပ်ဖွင့်ပြီး ငွေထပ်ချေး၊ အတိုး နှုံးမြင့်သွားတဲ့ အကြွေးတွေကို ပြန်ဆပ်ပေါ့။ Credit Card ချေးငွေတွေက အတိုးနှုံး ၂၄ရာနှုံး (မြန်မာပြည် က တစ်လ ၂ကျပ်တိုးနှုံးလောက်) ရှိတော့ ချေးငွေ ဒေါ်လာ ၃သောင်းဆို အတိုးချည်းပဲ တစ်လကို ဒေါ်လာ၈၀၀ လောက် ပေးလာရမယ်ဆိုတော့ ကိုယ့်ကိုယ်ကို ဟုတ်လှချည်ထင်တဲ့လူတွေ ဘဏ်တွေက Promotion လိုက်ရှာ ချေးငှားကြတာပေါ့။ စင်ကာပူကလည်း ဘဏ်တွေမှိုလိုပေါတဲ့နိုင်ငံပဲ။ ကျွန်တော်ရှာကြံချေးမယ်ဆိုရင် နောက် ထပ် ဘဏ်အခု ၂၀လောက်ဆီက ဒေါ်လ ၂သိန်းလောက်ချေးငှားပြီး စင်ကာပူကထွက်ပြေး၊ မြန်မာပြည်တောမှာ ပြန်နေလဲရတာပေါ့။ ဘယ်သူမှ ဒီလိုမလုပ်ချင်ပါဘူး။ သူခိုးဓါပြတောင် ဖြောင့်မတ်စွာလုပ်ကိုင်ချင်တာပဲ။ ဒီလိုနဲ့ ဘဏ်တစ်ခုက ၆လကြာရင် အတိုး 5% ကနေ 21% မပြောင်းခင် ကြိုပြီး Promotion 5% ရတဲ့ တခြားဘဏ်ကို Fund Transfer နည်းစနစ်နဲ့ အကြွေးတွေကို ဟိုရွှေ့၊သည်ရွှေ့ လုပ်ရတာပေါ့။ အကြွေးရှင် ဘဏ်ငွေစာရင်းတွေ များလာတော့ ဒီနည်းနဲ့လုပ်ရတာ ဦးနှောက်တော်တော်ခြောက်လာရတယ်။ ဘဏ်တွေကလည်း တယ်လီဖုန်း လှမ်းခေါ်ပြီး အကြွေးဆပ်ချိန်ကျနေပြီး တဂွမ်ဂွမ်ခေါ်လာကြတယ်။ လူပဲ .. ဒါလောက်များတဲ့ အကြွေးစာရင်းတွေ ကို မပေးပဲ မေ့သွားတယ်ဆိုရင် ဘဏ်ဝန်ထမ်းတွေက သတိပေးတယ်။ Late Fee တွေကလည်း မနည်းဘူး။ ဘဏ်မှ ငွေချည်းဖူးတဲ့ လူတိုင်း စိတ်ညစ်ရပုံပေါ့။ သြော် .. ဒါနဲ့၊ ဘဏ်တွေက ဘာလို့ လူတွေကို ၂လစာ ငွေချေး ကြသလဲ .. မေးစရာပဲ။ ဘဏ်ဆိုတာ မသေချာရင်ဘာမှ မလုပ်ဘူး။ ဘဏ်ဆိုတာ တရားဝင် ငွေတိုး ချေးစားတဲ့ အစိုးရအသိအမှတ်ပြု လုပ်ငန်းကြီးပဲ။ ကျွန်တော်လိုလူလည်း အကြွေးတင် Bankrupt ဖြစ်သွားပေမဲ့ ပြန်ဆပ်ဖို့ ကြိုးစားနေတာပဲ။

ငွေပိုရှာဖို့ကို အကြီးအကျယ်စဉ်းစားရတယ်။ Credit Card ကလည်း နောက်ထပ် ဒေါ်လာ၂သောင်းလောက်ထိ ချေးခွင့်ရှိသေးတယ်။ ငွေနောက်လိုက်ရင်း သေမထူး-နေမထူး Do or Die .. စင်ကာပူကထွက်ပြီး နိုင်ငံခြား ကိုသွား အလုပ်လုပ်မယ် ဆုံးဖြက်ခဲ့တယ်။ မြန်မာပြည်တော့ မပြန်ရဲဘူး၊ မြန်မာပြည်ပြန်ပြီး စင်ကာပူက စုဆောင်း ငွေ ဒေါ်လာသိန်းချီပိုက် မြန်မာပြည်ပြန်သွားတဲ့ မိတ်ဆွေများ ၃နှစ်လောက်အကြာ ကုတ်ကုတ်နဲ့ စင်ကာပူ ပြန်ရောက်လာ မြင်ရတော့ကြောက်တာပေါ့။ မြန်မာပြည် အာဏာပိုင်များနဲ့ ပေါင်းဖေါ်လုပ်ကိုင်ဖို့ လဲမဖြစ်နိုင်၊ အေးအေးဆေးဆေးပဲ ပြန်နေဖို့ကလည်း အရွယ်ကငယ်သေးတယ်ဆိုတော့ Adventure ပဲလုပ်ဖို့ ဆုံးဖြတ် ပါတယ်။ ဇနီးသယ်ကတော့ ဟိုး .. ဘဏ်ကြွေး စယူကတည်းက အတန်တန်တားခဲပါတယ်။ အခုတော့ မထူးတော့ဘူး အလွန်ဆုံးဖြစ်လှ Bankrupt ဖြစ်မယ်ဆိုရင်လည်း စင်ကာပူပီအာအဖြစ်ကို စွန့်လွှတ်ပြီး .. စုဆောင်းငွေ CPF money ပြန်ထုတ်၊ မြန်မာပြည်ပြန်ပြီး အေးအေးဆေးဆေး နေတော့မယ် .. Do or Die ပေါ့။

ကျွန်တော်နိုင်ငံခြားထွက်အလုပ်လုပ်တာလည်း တနှစ်နီးပါး ကြိုးစားခဲ့တာ အဆင်မပြေဘူး၊ နောက်ဆုံးတော့ စင်ကာပူမှာ Bankrupt လုပ်လိုက်ရပါတယ်။ နှစ်နဲ့ချီပြီး ကိုယ်စိတ်နှလုံး မချမ်းမြေ့ရတဲ့ကာလပါ။ စိတ်ထောင်း ကိုယ်ကျေ ဆိုတဲ့အတိုင်း ကိုယ်ခန္တာကလည်း နှလုံးရောဂါလို၊ သွေးတိုး၊ ခေါင်းကိုက်၊ အိပ်မပျော် .. ဒီကာလကို သစ္စာရှိတဲ့ ဇနီး၊မိသားစုအားဖြင့်၊ ဘုရားတရားအားဖြင့် ရပ်တည်ခဲ့ရပါတယ်။ ကိုယ်ပိုင်ပစ္စည်းဆို တယ်လီဖုန်း တောင် ပြန်သိမ်းခံရတယ်။ ကား၊အိမ် .. ပိုင်ရှင်နာမည်တွေလည်း မိန်းမနာမည်နဲ့ အမြန်ပြောင်းပစ်ရတယ်။ သို့မဟုတ် သိမ်းခံရမှာပဲ။ ဘဏ်စာရင်းတွေလည်း အကုန်ပိတ်ခံရတယ်။ နိုင်ငံခြားသွားခွင့်လည်း ပိတ်ပင်ခံရ တယ်။ လူမွဲစာရင်းခံရတယ်ဆိုတာ ... အရင်က ကြားဖူးတာပဲရှိတယ်။ အခုတော့ ကိုယ်တွေ့ပဲဗျို့။ မြန်မာပြည်မှာ ဆို သူဌေး၊ အရာရှိကြီးများ ချေးငွေပြန်မဆပ်နိုင်ရင် ထောင်ချပစ်ခံရတယ်၊ စင်ကာပူမို့ တော်သေးတာပေါ့ .. ဆိုပြီးဖြေရတယ်။

မိသားစုအရေးအတွက် ငဲ့ညာပြီး၊ စင်ကာပူမှာပဲ ရတဲ့အလုပ်ဝင်လုပ်ရပါတယ်။ အကြံကြီးတွေကို စွန့်ပစ်လိုက် ရတယ်။ ၂၀၁၀ခုနှစ် HDB အိမ်ဈေးတက်လာတဲ့အချိန်မှာ အိမ်ကိုရောင်းချလိုက်တော့ အမြက်ထွက်လာပါတယ်။ အကြွေးတွေကို ပြန်ဆပ်နိုင်ပြီး အကြွေးတင် Bankrupt ဘ၀ကတော့ လွတ်မြောက်သွားပါတယ်။ ဒါပေမဲ့ စင်ကာပူမှ နေစရာမရှိရင် ငှားနေရတဲ့ စရိတ်က တစ်လဒေါ်လ ၁၈၀၀လောက်ဆိုတော့ ရေရှည် ဘယ်တတ် နိုင်မလဲ။ အိမ်အသေးကို Down Grade လုပ်ပြီး ပြန်ဝယ်ရပါတယ်။ လစဉ် Installment ပေးရငွေများတော့ အိမ်မှာလည်း လူအပိုတင်ထားရပါတယ်။ စီးပွားရေးလုပ်ရင် ငွေအရင်းအနှီးရှာပြီးလုပ်ရတယ်ဆိုတဲ့ ကျွန်တော့ရဲ့ အတွေးအခေါ်လည်း ပျောက်သွားပါပြီ။ CPF စုဆောင်းငွေကို ထုတ်ပြီး မြန်မာပြည်အေးအေးဆေးဆေးပြန်နေရမဲ့ အရွယ်လဲမဟုတ်သေးဘူး။ အသက်၆၀ကျော်သူများ CPF ငွေအကုန်ထုတ်ပစ်လိုက်ပြီး မြန်မာပြည်ပြန်သွား နေတယ်။ အချိန်တန်တော့ စင်ကာပူမှာနေတဲ့ သားသမီးများဆီ တ၀ဲဝဲတလည်လည်နဲ့ ပြန်လာရတာပဲ။

ဒီစာကို ဖတ်ပြီး သြော် .. ဒီလိုငွေချေးလို့ရပါလား .. ဆိုပြီး ဒီလူမလုပ်တတ်လို့ပါ။ ငါသာဆိုရင် .. ဘယ်လိုလုပ် လိုက်မယ် .. ဆိုပြီး ဘဏ်ငွေချေး စီးပွားရေးလုပ်မဲ့လူတွေ ပေါ်လာမှာပါ။ ကျွန်တော်အဓိကရေးချင်တာက ဘ၀င်မြင့်စိတ်နည်းရင်၊ စီးပွားရေးအောင်မြင်ပါမယ် ဆိုတဲ့အကြောင်းပါ။ (လူဖြစ်မှတော့ ဘ၀င်မြင့်တာ ထုံးစံ ပါပဲ)။ ဘယ်လိုဖျောက်ရမလဲဆိုတော့ .. မိမိထက် ၁၀နှစ်မက အသက်ကြီးသူမိတ်ဆွေများနဲ့ အပတ်စဉ် တွေ့ဆုံ စကားပြော၊ ရင်ဖွင့်၊ အကြံဥာဏ်တောင်းခံရင် .. ဘ၀င်မြင့်ရောဂါ နည်းပါးသွားမယ်။ မိဘ၊ဦးလေးအဒေါ် .. စသဖြင့်ပေါ့။ ဒါမှ လူဘ၀မှာ နေရတာလည်း ပိုပြီး ၀မ်းမြောက်စရာဖြစ်လာမှာပါ။ သူဌေးဇာတာရှိသူတွေမှာ စိတ်ရှည်ခြင်း၊ ရောင့်ရဲ့ခြင်း (မသုံးသင့်တာမသုံးခြင်း) .. စတဲ့အရည်အချင်းများရှိတယ်လို့ Forbes မဂ္ဂဇင်းမှာရေးထားပါတယ်။ ကျွန်တော့မှာ ဒီဗီဇမရှိပါ။

ကိုယ့်အစွမ်းနဲ့စွတ် လုပ်မြဲလျှောက်လုပ်နေရင် ပိုးဖလံ၊မီးကိုတိုးသလိုပါ .. ငွေကြေးအခက်အခဲဖြစ်စေ၊ ဘာအခက် အခဲဖြစ်ပါစေ .. ရှောင်ပြေးလို့မရပါဘူး။ ရင်ဆိုင်ဖြေရှင်းခြင်းက အကောင်းဆုံးပါ။ ဘဏ်ကို လူတွေ့ သွားတွေ့ပါ။ အစိုးရကျွမ်းကျင်သူများကို တွေ့ဆုံအကြံဥာဏ်တောင်းပါ။ Bankrupt ဖြစ်သွားပြီး အကြွေးပြန်ဆပ် .. အဆင်ပြေ သွားသူတွေများပါတယ်။ မိမိအစွမ်းနဲ့ ငါဗဟိုပြု အသက်ရှင်မှုကို စွန့်လွှတ်ဖို့ပါ။ မ်ိမိ ငွေကြေးဆိုင်ရာ အမှားကို သေချာ စီစစ်ကြည့်ရင် ဘယ်သူမပြုမိမိမှုပါပဲ..။ ကိုယ်၊စိတ်၊၀ိညာဉ် ကျန်မာရေးကို ဂရုစိုက်ပါ။

ငွေဆိုတာ လူကဖန်တီးထားတဲ့အရာပါ။ ဒီတော့ ရှင်းပါတယ်။ စီးပွားရေးလုပ်ချင်ရင် လူအဓိကပါပဲ။ ကျွန်တော့်မှာ တော့ စီးပွားရေးဇာတာမရှိ။ ဒါလောက်ပါပဲ။

လေးစားဖို့ ကောင်းတဲ့ သံအမတ်ကြီး ဒေါ်ခင်ကြည်

တရားဝင် သမိုင်းတင် မခံရ ရှာသေးတဲ့ သမိုင်းဖျောက်ခံထားရတဲ့ သူနာပြု ဆရာမ ဖြစ်ပြီး သူမရဲ့ ဘ၀ကတော့ ပိုလို့ နာကျည်း သနားစရာကောင်းနေပါတယ်။ ငယ်ငယ် ရွယ်ရွယ်နဲ့ ခင်ပွန်းသည် လုပ်ကြံ ခံရလို့ မုဆိုးမဖြစ်ရုံ သာမကသူမနဲ့ လူမမယ် ကလေးနှစ်ယောက်ပါ ပြည်နှင်ဒဏ်ကို မျက်နှာဖုံးတပ်ထားတဲ့ သံအမတ် ရာထူး အဖြစ် ခံယူရင်းနဲ့ နိုင်ငံ ရပ်ခြားမှာ နေထိုင် ၏ခဲ့ရတယ်။ ဒါပေမယ့် သူမဟာ ကမ္ဘာ့ ငြိမ်းချမ်းရေး နိုဘယ်ဆုရှင် သမီး တစ်ယောက်၊ကမ္ဘာ့ အဆင့်မြင့်ဆုံး သိပ္ပံ ပညာရှင် သား တစ်ယောက်ကို မွေးထုတ်ပေးနိုင်ခဲ့ပြီး သမီးဖြစ်သူကလဲ အနီးကပ် မစောင့်ရှောက် နိုင်လျက်ကနေမြန်မာစာ ပါရဂူ အဖြစ် မြန်မာ့ ယဉ်ကျေးမှုကို ထိန်းသိမ်း စောင့်ရှောက် နိုင်သူ ဖြစ်အောင် ကြိုးစားနိုင်တဲ့ မြေး တစ်ယောက် တို့ကို သွန်သင်နိုင်ခဲ့တဲ့ အထိ မွေးထုတ် ပေးနိုင် ခဲ့ ပါတယ်။

သူမရဲ့သမိုင်းမှတ်တမ်း နည်းပါးရခြင်းအကြောင်းထဲမှာ သူမရဲ့ ရိုးရှင်းစွာသိုသိုသိပ်သိပ် နေတတ်တဲ့ အကျင့် ကြောင့် သူမရဲ့ အတ္ထုပတ္တိကို အပြုစုမခံခဲ့တဲ့ အတွက်လဲ ပါဝင်ပါတယ်။ ထိုင်းဘုရင့် မယ်တော်ထက် အသက် ဆယ့်နှစ်နှစ်ငယ်တဲ့ ဒေါ်ခင်ကြည်ဟာ ကြည့်မြင်တိုင် အမျိုးသမီး အထက်တန်း ကျောင်းကနေအောင်မြင်ပြီး နောက်သူနာပြု သင်တန်း ဆင်းပြီး ရန်ကုန် ပြည်သူ့ဆေးရုံကြီးမှာ အလုပ် ၀င်လုပ်နေစဉ် ဒုတိယ ကမ္ဘာစစ် ကြီး အတွင်းမှာ သူမရဲ့သနားကြင်နာ စိတ်ရှည်မှုနဲ့ စည်းကမ်းကြီးမှု တို့ကြောင့် လူနာတွေရဲ့ ရိုသေလေးစား အားကိုး ခံရတဲ့ အတွက် နာမည် ကျော်ကြား ပါတယ်။ အဲဒီအချိန်မှာဗိုလ်ချုပ်အောင်ဆန်း ဟာလဲသူ့တပ်ဖွဲ့ ဖြစ်တဲ့ ဘီအိုင် အေ တပ်နဲ့ တူတူတိုက်ပွဲမှာ ဒဏ်ရာရမှု၊ ငှက်ဖျားမိမှုနဲ့ အင်အားကုန်ခမ်း မှုကြောင့်ဗိုလ်ချုပ် အောင်ဆန်း သူမ တာဝန်ကျရာ ဆေးရုံကို ရောက်လာ ပါတော့တယ်။ တခြားသူနာပြုတွေက ဗိုလ်ချုပ် အောင်ဆန်း ဆိုတဲ့ ဗိုလ်ချုပ် တစ်ယောက် ကို အနားမကပ်ရဲ ခဲ့ကြပါဘူး။ နိုင်ငံရေးနဲ့ လွတ်လပ်ရေး ကိုပဲ သိတဲ့လူမှုရေးတွေဂရုမစိုက်တတ်တဲ့ အောင်ဆန်းအရိုင်းကိုသူနာပြုတွေ ဆေးတိုက် ဆေးထိုး လုပ်ရင်းအမှား လုပ်မိမှာ ကြောက်ကြတာ မဆန်း ပါဘူး။ ဒီတာဝန်ကို ခေါင်းဆောင်ကောင်းပီသစွာ ဒေါ်ခင်ကြည်ဟာ အရဲစွန့် ယူခဲ့ပါတယ်။

ခေါင်းမာလှတဲ့ ဗိုလ်ချုပ်အောင်ဆန်းဟာ ဒေါ်ခင်ကြည်ရဲ့ ပြုစုမှု၊ တိကျမှု၊ဟာသဉာဏ် ရှိမှု၊ ဗိုလ်ချုပ် အောင် ဆန်း ကိုပင် အလျော့ မပေး အလို မလိုက်ဘဲတိတိကျကျ တာဝန် ထမ်းဆောင် မှုတို့ကြောင့် မိန်းမနဲ့ အနေ ဝေးလွန်း လို့မိန်းကလေးကို သိပ်ရှက် တတ်တဲ့ ဗိုလ်ချုပ် အောင်ဆန်းက လက်ထပ်ခွင့် တောင်းတာခံခဲ့ရ ပါတော့ တယ်။ ဗိုလ်ချုပ်အောင်ဆန်းကို လက်ထပ်ရတာဟာ ဒီခေတ်က ဗိုလ်ချုပ်တစ်ယောက်ကို လက်ထပ် ရသလို စည်းစိမ်နဲ့ အာဏာ တွေကို အမြိုင့်သား ထိုင်သုံးရသလို မဟုတ်တာ စဉ်းစား သင့်ပါတယ်။ အင်္ဂလိပ်နဲ့ ဂျပန်တို့က အသေ အလဲမျက်မုန်းကျိုး နေတဲ့ဗိုလ်ချုပ်အောင်ဆန်း ကို လက်ထပ်ရတာဟာ အချိန်မရွေး ဗိုလ်ချုပ် အောင်ဆန်းနဲ့ တူတူ လုပ်ကြံ ခံရ နိုင်တဲ့ အနေအထားပါ။ ဒါပေမယ့်တိုင်းပြည်နဲ့ လူမျိုးအတွက် အလွန် အရေးကြီးတဲ့ ဗိုလ်ချုပ် အောင်ဆန်း ကိုပြုစု ဂရုစိုက်ဖို့ ဒေါ်ခင်ကြည်ဟာ ဗိုလ်ချုပ်ရဲ့ ဘ၀ လက်တွဲဖော် အဖြစ်ဗိုလ်ချုပ် အောင်ဆန်းနဲ့
လက်ထပ် ခဲ့ပါတယ်။ အပျိုကြီး ဘ၀ကို ချင်းနင်းဝင်ရောက် စ အသက် ၃၀ အရွယ်မှာ သူမနဲ့ ဗိုလ်ချုပ်အောင် ဆန်း တို့ လက်ထပ်ပြီး အောင်ဆန်းအရိုင်းကို သိမ်မွေ့နူးညံ့သူ ခင်ပွန်း ကောင်း၊ ဖခင်ကောင်းဖြစ်အောင် ပဲ့ပြင် ထိန်းသိမ်း နိုင်ခဲ့ပြီး သားသမီး ၃ယောက် မွေးဖွားခဲ့ပါတယ်။ ကံဆိုးရှာတဲ့ သားငယ် အောင်ဆန်းလင်းဟာ ငယ် ရွယ်စဉ်မှာ ကွယ်လွန်ခဲ့ရှာပါတယ်။ ပိုလို့ ဂရုဏာ သက်ဖွယ် ကောင်း တဲ့ အဖြစ်ကတော့ အိမ်ထောင်သက် ၅နှစ် အရမှာ ခင်ပွန်းသည် မြန်မာနိုင်ငံရဲ့ လွတ်လပ်ရေး ဖခင်ကြီး နဲ့အမျိုးသား ခေါင်းဆောင်ကြီး ဖြစ်တဲ့ ဗိုလ်ချုပ် အောင်ဆန်းဟာ နိုင်ငံခြားသားရန်သူ လူမျိုးခြားလက်ချက် မဟုတ်ဘဲ သူစေတနာ ထားတဲ့ မြန်မာနိုင်ငံ ကမြန်မာ လူမျိုး မသမာသူ သစ္စာ ဖောက် တွေရဲ့ လက်ချက် နဲ့ လုပ်ကြံ ခံရပြီးတဲ့နောက်မှာ လူမမယ် ကလေး နှစ်ယောက် နဲ့ မုဆိုးမ ဖြစ်ခဲ့ ရပါတယ်။

ဒေါ်ခင်ကြည်ကို ဇနီးမယား တော်ခဲ့ရတဲ့ ဗိုလ်ချုပ် အောင်ဆန်းဟာ ကံကောင်းလှပါတယ်။ သူဟာဘ၀လက်တွဲ ဖော်ကောင်း တစ်ယောက် အဖြစ်သာ မကအမျိုးသားခေါင်းဆောင်ကြီး ဗိုလ်ချုပ်အောင်ဆန်း ရဲ့ ဇနီး ဆိုတဲ့ ဂုဏ်ကိုထိန်းနိုင် မြှင့်တင်နိုင်တဲ့ အာဇာနည် အမျိုးသမီးကြီး တစ်ယောက် အဖြစ်နဲ့ပါထိုက်တန်တဲ့ အမျိုးသမီး ကောင်း တစ်ယောက်ကို လက်ထပ်ခွင့် ရခဲ့လို့ပါ။ ရှုပ်ထွေးလှတဲ့ မြန်မာ့နိုင်ငံရေး ကြားမှာ လူမမယ် ကလေး ၂ယောက်အမေ မုဆိုးမဖြစ်တဲ့ ဒေါ်ခင်ကြည်ဟာ ၀မ်းနည်း အားငယ် နေမယ် ထင်စရာပါ။ ဒါပေမယ့် သူမ ဘာတွေ လုပ်ခဲ့သလဲ။သူနာပြု ဆရာမ တဖြစ်လဲ ဒေါ်ခင်ကြည်ဟာ သူမရဲ့ ဘ၀ လမ်းကြောင်းကို နိုင်ငံရေး နဲ့လူမှုရေး ပိုင်းမှာပိုမို မြုပ်နှံ လာခဲ့ပါတယ်။ ဗိုလ်ချုပ်အောင်ဆန်းရဲ့အနီးကပ် အတွင်းရေးမှူး သဖွယ် ဖြစ်ခဲ့တဲ့ဒေါ်ခင်ကြည် အဖို့ လွတ်လပ်ရေးရပြီးရင် တိုင်းပြည်ကို ဒီမိုကရေစီ လမ်းကြောင်း ပေါ် တင်ပေး ချင်တဲ့
ဗိုလ်ချုပ် အောင်ဆန်းရဲ့ လမ်းစဉ်၊ လုပ်ပုံ ကိုင်ပုံ၊ စိတ်စေတနာတွေကို ပိုမိုနားလည် လေ့လာခွင့်ရခဲ့တာဟာ သူမအတွက် ဒီမိုကရေစီ ခေါင်းဆောင်ကောင်းဒေါ်အောင်ဆန်းစုကြည်ကို သွန်သင်နိုင်ဖို့ အခွင့်အရေးရဲ့ လမ်းစ ကို ရလိုက်တာပါပဲ။ ဒီလိုနဲ့ ဒေါ်ခင်ကြည်ဟာ မိခင်နဲ့ ကလေး စောင့်ရှောက်ရေး အဖွဲ့ (MMCWA)မှာ ညွှန်ကြား ရေးမှူး ဖြစ်လာ ပါတယ်။ နောက်ပိုင်းမှာ သူမရဲ့ စည်းကမ်း ကြီးမား လှတဲ့ စီမံခန့်ခွဲအုပ်ချုပ်မှု စွမ်းရည် တွေကို လူအများ မြင်တွေ့ခွင့်ရခဲ့ကြ ပါတယ်။ သူမဟာ အာဇာနည်တွေရဲ့ မိသားစုတွေကို အစိုးရက ပေးတဲ့နစ်နာကြေး ဂုဏ်ပြုဆုကို လက်ခံဖို့ ငြင်းခဲ့ပါတယ်။ တိုင်းပြည်ဆီက ဘာမှပြန်မယူဘဲ တိုင်းပြည် အတွက်သာ ကိုယ်က လုပ် ပေးမယ်လို့ အစဉ်တစိုက် ကြွေးကြော် ခဲ့တဲ့ဗိုလ်ချုပ်ရဲ့ ဇနီး ပီသလှ ပါပေတယ်။

မှတ်ချက် ။ ။ရောင်ခြည်သစ်မှ မျှဝေပါသည်

ကိုယ်တို့ဗိုလ်ချုပ် ဒေါ်ခင်ကြည် ကိုဘယ်လိုများ ပိုးပမ်းခဲ့ ပါလိမ့် ? သိတဲ့ သူတွေရေးကြစမ်းပါ

CJ မှာရေးသင့် သော post တစ်ခု

တစ်နေ့မှာ ဆရာတစ်ယောက်က ဖန်ခွက်တစ်လုံး လက်မှာကိုင်ထားပြီး'ဒီဖန်ခွက်က ဘယ်လောက်လေးမယ် ထင်သလဲ' လို့ ကျောင်းသားတွေကို မေးတယ်..၅၀ဂရမ်၊ ၁၀၀ ဂရမ်အစရှိသဖြင့် အမျိုးမျိုးအဖြေတွေကို သူရတယ် .. ဆရာက ဆက်ပြောတယ် ..'ဒီဖန်ခွက်ရဲ့ တကယ့် အလေးခ်ျိန်ကိုတော့ ဆရာမသိပါဘူး။ ဒါပေမဲ့ ဆရာမေးချင်တာ ဒီဖန်ခွက်ကို ဒီအတိုင်းပဲ ဆရာ ခဏလောက် ကိုင်ထားရင် ဘာဖြစ်မလဲ ဆိုတာပဲ ..'"ဘာမှ မဖြစ်ဘူး" လို့ ကျောင်းသူတစ်ယောက်က ဖြေတော့ "တော်တော်ကြာကြာကိုင်ထားရင်ရော" လို့ ဆရာက ဆက် မေးတယ် .."လက်တွေညောင်းပြီး ထုံကျင်လာမယ်" လို့ ဖြေကြတယ် … 'ကောင်းပြီ ..တနေကုန်ကိုင်ထား ရင် ရောကွာ' လို့ ဆရာမေးတော့ ရွှတ်နောက်နောက်ကျောင်းသား တစ်ယောက် က "ဆရာလက်ကြီး ထုံကျင်လာ မယ်၊ ပြီးတော့ လက်မောင်းကိုက် လာမယ် ၊ ပြီးတော့ ဆရာရဲ့ ကြွက်သားတွေအညောင်းမိ လေဖြတ်ပြီး ဆေးရုံ ရောက်မယ်" လို့ ပြောတော့ တတန်းလုံး ၀ိုင်းရယ်ကြတယ် …ဆရာက 'မင်းပြောတာမှန်တယ် ..ဒါဆိုရင် ဘာလို့ အဲ့လိုဖြစ်သွားတာလဲ..ငါကိုင်ထားတဲ့အချိန် အတွင်းမှာ ဖန်ခွက်ရဲ့ အလေးချိန် ပိုတိုးလာလို့လား'လို့ ဆက်မေးတော့ မတိုးပါဘူးလို့ တညီတညွှတ်တည်း ဖြေကြတယ် …'ဖန်ခွက်ရဲ့ အလေးချိန် ပြောင်းသွားတာလဲ မဟုတ်ပဲနဲ့ ..ဆရာက ဘာလို့အဲ့လိုနာကျင်မှုဝေဒနာတွေ တိုးပြီးခံစား ရတာလဲ၊ အဲ့ဒီ ဝေဒနာတွေ သက်သာအောင် ဆရာဘာလုပ်ရမလဲ' လို့မေးတော့ ကျောင်းသူတစ်ယောက်က 'Put the Glass Down' ဖန်ခွက်ကို အောက်ပြန်ချထားလိုက်ပေါ့' လို့ ဖြေလိုက်ပါတယ် …

ဆရာက 'သိပ်မှန်ပါတယ် ..မင်းတို့ ဘ၀မှာ ကြုံရတဲ့ ပြဿနာတွေကို ခေါင်းထဲမှာခဏလောက်ထည့် ထားရင် ဘာမှမဖြစ်သေးပါဘူး။ အကြာကြီး သိမ်းထားပြီး စဉ်းစားနေတဲ့အခါ ကြာလာတော့ မင်းတို့ကို စတင်ပြီး နာကျင် မှုပေးလာမယ် ၊ ဝေဒနာဖြစ်စေလာမယ်။ ပြဿနာတွေကို ဖြေရှင်းရတာ ဘ၀ရဲ့ တစိတ်တပိုင်းပါ။ ဒါပေမဲ့ နေ့တစ် နေ့ရဲ့ အဆုံးမှာတော့ တနေကုန်အဖြေရှာမရတဲ့ အဲ့ဒီအကြောင်းတွေကို မေ့ထားခဲ့ပါ။ နောက်တနေ့အတွက် ဒါတွေဆက်တွေးတောဖို့အားအင်တွေလိုပါတယ် …လူသစ် စိတ်သစ်နဲ့ မနက်ဖြန်တွေကို ရင်ဆိုင်ဖို့ ဖန်ခွက်တွေ ကို ခဏလောက်ပြန်ချထားခဲ့ပါ ..' လို့ ဆရာက မှာလိုက်ပါတယ် ..