ကျွန်တော်ဟာနွမ်းပါးတဲ့ မိသားစုကမွေးဖွားလာသူပါ။
မြို့မကျ တောမကျနေရာလေးမှာနေပါတယ်။
ကျွန်တော့ အဖေဟာနေ့စဉ်မနက်အာရုဏ်မိုးလင်းခင်အစောကြီးထပြီး ကုန်စိမ်းကားတွေနဲ့အဖော်လိုက်ရသူပါ။
ပြောရရင် ကုန်စိမ်းကားနောက်လိုက်ပေါ့ဗျာ။ ဈေးမှာလိုရင်လိုသလို ကုန်စိမ်းတောင်းတွေထမ်းပေးရတယ်..။
ဒီလိုပင်ပင်ပန်းပန်းရှာရတဲ့ငွေနဲ့နေ့စဉ်စားစရာဝယ်၊ ပိုတဲ့ငွေလေးကို ခြစ်ခြုတ်စုပြီး ကျွန်တော့အတွက်ပညာ
သင်စရိတ်ရှာပြီး မြို့မှာကျောင်းထားပေးရှာတယ်..။
နွေရာသီ ကျောင်းပိတ်လို့ ကျွန်တော်အိမ်ပြန်ရောက်လာတဲ့တစ်ရက်မှာတော့ အဖေက ကျွန်တော့ကို
သူ နဲ့အတူ ကုန်စိမ်းကားနဲ့လိုက်ခဲ့ခိုင်းတယ်။
" သား..အဖေနဲ့လိုက်ခဲ့..။ သားဘာမှမလုပ်ရပါဘူး..အဖေနားမှာအဖော်လိုက်ယုံလေးပါ "..လို့အဖေကပြောတယ်။
တင်ဦး ပို့လိုက်တာကြိုက် လို့ အများသူငါမျှဝေဖတ်ရှုရအောင် postတ်ငလိုက်တာပါ
ကျွန်တော်လည်းကျောင်းပိတ်ရက်လေးအိမ်မှာနားရမလားမှတ်တယ်..အခုလို သူနဲ့လိုက်ခိုင်းတော့စိတ်ထဲ
သိပ်မကြည်လင်ချင်ဘူး။ အဖေဆိုတော့ လွန်ဆန်လို့ကလည်းမရတော့..မလိုက်ချင်လိုက်ချင်နဲ့ မနက်စောစော
အာရုဏ်မလင်းခင်ထ..အဖေနဲ့အတူဈေးကားနဲ့လိုက်ရတော့တာပေါ့။ အဖေကကျွန်တော့ကို ဘာမှမထမ်းမပိုး
ခိုင်းပေမယ့် အဖေ့နောက်ကနေကျွန်တော့မှာ တကောက်ကောက်လိုက်ပြီး ပင်ပမ်းလိုက်တာ
မပြောပါနဲ့တော့.။ ရက်အနည်းငယ်လည်းဈေးကားနဲ့လိုက်လည်းပြီးရော ပင်ပမ်းတဲ့ဒါဏ်နဲ့ ကျွန်တော်
အပျင်းဖျားယူရော။ အဲ့တော့မှ အဖေလည်းဘာမှမတတ်နိုင်ရှာဘဲ သက်ပြင်းတွင်တွင်ချှ ကျွန်တော့ကို
အနားပေး၊ နောက်နေ့တွေသူဘဲဈေးကားနဲု့ လိုက်ရတော့တာပေါ့။
ဒါပေမယ့်လူ့လောကမှာ မမျှော်မှန်းနိုင်တာတွေကဖြစ်လာတတ်တယ်လေ။ တနေ့တော့ အဖေ ရုတ်တရက်
နာမကျန်းဖြစ်ပြီး အိပ်ရာထဲလဲပါလေရော..။ သုံး..လေးပါတ်လောက်အိပ်ရာကမထနိုင်ရှာဘူး။အိမ်ရဲ့
ဝင်ငွေကလည်း အဖေ့ပေါ်တည်နေတော့ ပိုက်ဆံပြတ်ပြီးထမင်းငတ်မယ့်ကိန်းဆိုက်နေတော့တာပေါ့။
ဘယ်လိုမှမဖြစ်တဲ့အဆုံး ဘာမှမလုပ်တတ်ရှာတဲ့အမေနဲ့ လူမမယ်ညီမလေးကိုငဲ့ကွက်ပြီး ကျွန်တော်
အဖေ့နေရာဝင်ယူရတော့တယ်။ အဖေ လုပ်တဲ့အတိုင်း မနက်မိုးမလင်းခင်စောစောထ..ဈေးကားနဲ့လိုက်..
ဟင်းသီးဟင်းရွက်တောင်းကြီးတွေကိုထမ်း၊ ဈေးထဲကဆိုင်တွေစီတစ်ဆိုင်ဝင်တစ်ဆိုင်ထွက်ထမ်းပိုးပို့ ပေါ့ ။
သြော်..အဖေနဲ့ငါအရင်ကလိုက်သွားခဲ့မိလို့ တော်သေးတာပေါ့လို့တွေးမိတယ်။ မိဘဆိုတော့...အဖေက
ကျွန်တော် ချွေးသံတစ်ရွှဲရွှဲနဲ့အိမ်ကိုပြန်လာတိုင်း.. ကျွန်တော်ရှာလို့ရလာတဲ့ပိုက်ဆံတွေ အဖေ့ကိုအပ်တိုင်း
ဂရုဏာစိတ်နဲ့ " ငါ့သားပင်ပမ်းရှာတယ်..ကျန်းမာရေး ထိခိုက်မယ်. .အဖေနေပြန်ကောင်းရင်ငါ့သားမလုပ်
ရတော့ပါဘူးကွာ" ..လို့ ပြောရှာတယ်။ ဒါပေမယ့် အံ့သြစရာကောင်းတာက တစ်စက်လေးမှ ကျွန်တော်
မောပမ်းခြင်းမရှိတော့တာကိုပါဘဲ။
ဒါနဲ့ကျွန်တော် အဖေ့ကိုပြောမိတယ်..။
" အဖေ..သိပ်အံ့သြစရာကောင်းတယ်ဗျာ..အဖေသားကို ဟိုးတစ်ခါဈေးကားလိုက်ခိုင်းတုန်းက သားမှာအဖေ့နောက်
လိုက်ပြီး ဘာမှမယ်မယ်ရရမလုပ်ရတာတောင် ပင်ပန်းခဲ့လိုက်တာမပြောပါနဲ့။ ဒါပေမယ့်..အခု..မနက်တိုင်း
စောစောထရလည်း..ကုန်စိမ်းတောင်းတွေကိုထမ်းနေရလည်း နည်းနည်းမှကိုပင်ပမ်းတယ်မထင်မိဘူးဗျ.. "
..လို့ပြောမိတယ်..။
အဲ့ဒီတော့ အဖေကပြန်ပြောတယ်။ သူပြန်ပြောလိုက်တဲ့စကားကရိုးရိုးလေးပါ..။ ဒါပေမယ့်ကျွန်တော့်ဘ၀
အတွက်တကယ့်ကိုလက်ဆောင်မွန်ပါဘဲ။
" သား.. တစ်ဖက်ကသားရဲ့ခန္ဓာကိုယ်က ကျင့်သားရလာလို့ စွမ်းအင်တိုးလာတာရယ်..
ပိုဖြစ်နိုင်တာက သားရဲ့စိတ်ဓာတ်ရင့်ကျက်လာမှုကြောင့်ဖြစ်မှာပါ..။ ရင့်ကျက်မှုက သားကို
ကြီးလေးတဲ့တာဝန်ကိုယူလိုစိတ် သထ္ထိမျိုးကိုဖြစ်ပေါ်စေလိုက်တာပါ။ ဒီတော့ ဘယ်လောက်
ဲပင်ပမ်းပင်ပမ်း..ငါ့သားကို သက်တောင့်သက်သာ ဖြစ်နေစေတာပေါ့.. "
ခုတော့..ကျွန်တော် အဖေ့စကားတစ်ခွန်းထဲနဲ့ တာဝန်ယူလုပ်ကိုင်လို့ရလာတဲ့ ရလာဒ်ရဲ့ ချိုမြိန်တဲ့
အရသာကိုကောင်းကောင်းခံစားသိခွင့်ရနေပြီလေ..။
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ဒီအကြောင်းကိုပြောပြသူလူငယ်လေးဟာ လက်ရှိ ကုမ္မဏီတစ်ခုမှာ ထူးချွန်ဝန်ထမ်းတစ်ဦးအနေနဲ့
အလုပ်တွေကိုတာဝန်ယူထမ်းဆောင်ရင်း မိဘကိုတစ်ဖန်ပြန်လည်ကျေးဇူးဆပ်ခွင့်ရနေသူ ဖြစ်နေပါပြီ။
သူပြောပြတဲ့အပေါ်မှာ ကျွန်မကခံစားလို့ရသလိုပြန်လည်တင်ပြခြင်းပါ။
တကယ်တော့ မိမိမှာတာဝန်ရှိတယ်လို့ ခံယူလိုက်တာနဲ့ အဲ့ဒီ ဖိအားကြောင့်တွန်းအား ဖြစ်ပေါ်စေပြီး
မိမိတာဝန်ကို ပြီးမြောက်စေတဲ့ စွမ်းအား ရှိလာတာချည်းပါဘဲ။ အဲ့ဒီဖြစ်စဉ်အစနဲ့ ဖြစ် စဉ်အဆုံးရဲ့
အတွင်းမှာလည်း ပျော်ရွှင်မှု ရှိနေစမြဲပါ။ ကျွန်မတို့အားလုံးကိုယ့်ကိုယ်ကိုယုံကြည်စိတ်ရှိနေဖို့တော့
လိုအပ်ပါတယ်။
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
တင်ဦး ပို့လိုက်တာပါ အများဖတ်ရအောင် post တင်လိုက်တာပါ ကျေးဇူးတင်ပါတယ်
No comments:
Post a Comment