MRTV4 နံနက်ပိုင်း ၆ နာရီမှာ အမြဲလွှင့် လေ့ရှိတဲ့ ၀ိပသနာ တရားတွေကို ဆရာတော် အပါးပါး ကဟောကြားတာ ကိုမလွတ်ချင်တာနဲ့ မနက်ပိုင်း လမ်းလျှောက်ချိန်တောင်ပြောင်းပစ်လိုက်ရ
တယ်။တနင်္ဂနွေ နေ့ က လမ်းလျှောက် မလို့ ပြင် ဆင်နေတုံးဆရာတော် ရှင်ဇ၀န (မေတ္တာရှင် ) ရဲ့တရားMRTV4 မှာလာနေတော့ လမ်းလျှောက်မဲ့ အ၀တ်အစား နဲ့ ပဲ ထိုင်နားထောင်ဖြစ်တယ်
ရှင်ဇ၀နတရားတွေကို အကြိမ်တော်တော်များများ နားထောင်ခဲ့ ပေမဲ့ ရိုးသွားတယ်ကိုမရှိသေး
ဘူး။
ဆရာတော်က လောဘ၊ဒေါသ၊မောဟ အကြောင်းတွေကို အသေးစိပ် ဥပမာ တွေ ဖြစ်ရပ်မှန်
တွေနဲ့ ယှဉ် ဟောတာကို နာကြား ရတော့ လောဘ၊ဒေါသ၊မောဟရဲ့ ဆိုးကျိုးတွေ၊ လူတွေဟာ
ဒါတွေကိုမသိတော့ပဲတစ်ယောက်နှင့် တစ်ယောက်ကွက်ကျော်ရိုက်တာတွေ ဟာလူဘ၀ကြီးကို တော်တော်ငြီးငွေ့ သံဝေဂ ရစရာတွေပေါ်လာတာတော့အမှန်ပါပဲ။
တရားနာရင်းစဉ်းစားမိတာကတော့ မနေ့ညက TV မှာကြည့်ခဲ့ တဲ့ ကိုရီးယား ဒရာမာမှာ ပါဝင်တဲ့ ဇာတ်ကောင်တွေ ရဲ့ လောဘ၊ဒေါသ၊မောဟ စရိုက်တွေကြောင့်ဖြစ်ပေါ် ခဲ့တာတွေ ကိုဇာတ်လမ်းဆင်ပြီး ရိုက်ထားတာဆိုတော့ အော် -- ကြည့်တတ်ရင် တရားရစရာပဲ။
စာရေးသူ ဟာလူကြီးပိုင်း ကိုရောက်တဲ့ အချိန်ကစပြီး လောဘ၊ဒေါသ၊မောဟ နည်းအောင်
ကြိုးစား နေထိုင်ခဲ့ပါတယ်။ အရာရာကို ရောင့်ရဲ တင်းတိမ်တတ်တဲ့ စိတ်မျိုးမွေးနိုင်ရင် တကယ်တော့ ကိုယ့်ရဲ စိတ်သန္တာန်ကို အေးချမ်းစေပါတယ်။ ဒါပေမဲ့ စာရေးသူအဖို့ အခုတလောမှာ အေး ချမ်းတဲ့ စိတ်သန္တာန် ကိုမရပဲ နှလုံးအိမ်မှာ ပူလောင်နေပါတယ်။ စာရေးသူနဲ့ ဆက်နွယ်ပတ်သက်ခဲ့တဲ့လူတွေကြောင့် ကိုယ်ကိုယ်တိုင် လောဘ၊ဒေါသ၊မောဟ ကိုရှောင်ပေမဲ့ လည်းသူတို့တွေရဲ့လောဘ၊ဒေါသ၊မောဟ အရှိန်တွေကြောင့်ကိုယ်နှလုံးအိမ် ထိကို ရိုက်ခတ်နေပါတယ်။ ဖြစ်ချင်ရာဖြစ်တော့ကွာ ဆိုပြီးစိတ်မျိုး ရံဖန်ရံခါပေါ်လာတတ်ပေမဲ့ အစွန်းအထင်း မရှိတဲ့ careerမှာ ဖြစ်ရလေခြင်းလို့စိတ်မကောင်းဖြစ်ရပါတယ်။
ကိုယ်သေရင်ဘာတွေယူသွားမှာလဲ၊ ဘာမှ မယူနိုင်ပါဘူး၊ သေခါနီးအချိန်ကြရင် ခံစားရမဲ့ဒုက္ခ
ကိုတွေးမိလိုက် ရင် ရင်တုံစရာပါပဲ။ ကျန်ရစ်ခဲ့ မဲ့ ကိုယ့်သားသမီးတွေ ပုံရိပ်ကောင်းအောင်
ကိုယ်ကလုပ် ခဲ့ ရမှာပါ။ လောဘနောက် ကိုလိုက်ပြီး စုံးစုံး မြုပ်သွားမဲ့ အခြေအနေမျိုးမရောက်
အောင်ကိုယ်က သတိ ရှိရှိနဲ့နေ ရမှာဖြစ်ပါတယ်။ ကိုယ်က အမည်ပျက်နဲ့ကျန်ခဲ့ရင် သားသမီး
တွေ လောကအလယ်မှာ ခေါင်းဖေါ်နိုင်စရာ မရှိတော့ပါ။
်
No comments:
Post a Comment