တစ်နေ့က NUH Medical Center သွားရင်းတက်စီငှားစီးခဲ့တယ်။ တက်စီသမားကဘွဲ့ရပညာတတ်နဲ့တူပါတယ်။ ရုတ်တရက်ဘယ်ဖက်ကနေ private hired car တစ်စီးက နောက်ကျစွာအချက်ပြပြီး
lane ပြောင်းလိုက်တယ်။သူလည်းလန့် ကိုယ်လည်းလန့်ပြီး သူကဟွန်းအရှည်ကြီးတီး ဆဲ ပစ် လိုက်တယ်။အဲတော့မှပဲ တက်စီသမားကရင်ဖွင့်လာတယ်။ စလုံးမှာတက်စီမောင်းသူ ၉၅%လောက်ဟာ
ဌာနေ စင်ကာပူနိုင်ငံသားတွေဖြစ်တယ်။ယာဉ်စည်းကမ်းကိုသေချာ လိုက်နာကြတယ်။ စည်းကမ်းဖေါက်တာအလွန်နည်းပါတယ်။ private hired car ကတက်စီထက် ၁.၈ဆလောက်ရှိတယ် တဲ့။စည်းကမ်းလိုက်နာမှုမရှိဆုံးပဲလို့ပြောကြတယ်။
မင်း private hired car မှန်းဘယ်လိုသိလဲလို့မေးတော့ ကားတွေနောက်မှာ စတစ်ကာ ကပ်ထားတယ်ဆိုပြီး ရှေ့ ကကိုယ့်ရိုးကားယားလုပ်သွားတဲ့ ကားနောက်ပိုင်းကိုပြတယ်။နေးတစ်စင်ကာပူရီယမ်း တွေဟာကျောင်းတွေတက္ကသိုလ်တွေတက်ပြီးအောင်လို့အလုပ်ရရင် လခတန်းက၂၀၀၀-၃၅၀၀ လောက်ပဲရကြတယ်။ပြည်ကြီးတရုတ် မလေးရှားကလာကျောင်းတက်တဲ့တရုတ်တွေကတချို့ လည်းစင်ကာပူတက္ကသိုလ်တွေမှာပညာသင်စတိုင်ပင်ရကြတယ်။တချို့လည်းကိုယ့်ငွေနဲ့ကိုယ်ကျောင်းတက်ပြီးမာစတာတွေ ပီအိတ်ခ်ျဒီတွေရကြတယ်။meritocracy ကျင့်သုံးနေတဲ့ငါတို့နိုင်ငံမှာ သူတို့တွေဘွဲ့ရလာရင် လခတန်း က ၅၀၀၀-၆၀၀၀ လောက်ရကြတယ်။ ဌာနေစင်ကာပူနိုင်ငံသားတွေထက်အပေါ်မှာရှိတယ်။ငါကတော့ စင်ကာပူမှာ meritocracy ကျင့်သုံးနေတာကိုမကြိုက်ဘူး။ဌာနေစင်ကာပူရီယမ်တွေထက်ပညာပိုတတ်တဲ့နိုင်ငံ ခြားသားတွေပဲလစာကောင်းကောင်းရကြတယ် လို့ရင်ဖွင့်လာတယ်။ဟာဟ--ဒုက္ခပဲ။မင်းရင်ဖွင့်နေတာနိုင်ငံခြားသားဆိုတာကိုပြောချင်လိုက်တာ--သူကတော့ တရုတ်တွေကိုအဓိကပြောချင်တာနဲ့တူတယ်။
စဉ်းစားကြည့်ရင်တော့ဌာနေစင်ကာပူရီယမ်းအများစုဟာ ဘလူးကော်လာအဆင့်လောက်နဲ့ပဲဘဝကိုသက်တောင့်သက်သာနဲ့ကျော်ဖြတ်လိုကြပုံရပါတယ်။ လခ၂၀၀၀-၃၅၀၀ လောက်ရရင်ပဲလူလတ်တန်းစားအဆင့်လောက်ကောင်းကောင်းနေနိုင်တာကိုး။ ဆရာဝန်ကြီးတွေ ဒါရိုက်တာကြီးတွေအင်ဂျင်နီယာကြီးတွေဖြစ်လာရင်တော့ လစာ သောင်းကျော်ရပြီးစမတ်ကျကျနေနိုင်ကြတာပေါ့။ ဒါမှမဟုတ်သြစီတို့ ကနေဒါတို့ ယူအက်စ်တို့ပြောင်းရွှေ့နေထိုင်ကြတာတွေလည်းရှိပါတယ်။ ဆိုလိုချင်တာကသူတို့လူလတ်တန်းစားတွေကလည်း meritocracy ကျင့်သုံးတာကိုမနှစ်သက်ကြဘူး။ ပညာတတ်တွေကိုနေရာပေးတာ ရာထူးပေးတာ အုပ်ချုပ်ခိုင်းတာ က meritocracy တော့မဟုတ်ဘူး။ ရိုးရိုးဘွဲ့လေးသာရပေမဲ့ စီမံအုပ်ချုပ်တဲ့အခါမှာအရည်အသွေးထက်မြက်သူဖြစ်ခဲ့ရင် အုပ်ချုပ်သူလူတန်းစားနေရာရမှာပဲမဟုတ်ပါလား။
အော်--နိုင်ငံခြားကလာအလုပ်သူတွေကတော့ အလုပ်အကိုင်တွေမှာ စင်ကာပူရီယမ်းတွေအတွက်ပဲအကာအကွယ်လုပ်ထားကြတယ်လို့ပြောကြတယ်။ အောက်ခြေသိမ်းအလုပ်တွေတော့သူတို့စိတ်ဝင်စားပုံမရကြဘူး။အိန္ဒိယနွယ်ဖွားတွေပဲအများဆုံးလုပ်ကြတယ်။အဲတော့ကျနော်တို့တတွေပြောကြတယ်။ democracy, meritocracy စသည်ဖြင့်နိုင်ငံတော် ဖွံဖြိုးတိုးတက်ရာတိုးတက်ကြောင်းစဉ်းစားကြတဲ့အခါလူတန်းစားအလွှာတိုင်းလက်ခံနိုင်တဲ့စနစ်ဆိုတာတကယ်တော့လူတိုက်းကြိုက်နိုင်ဖို့မလွယ်ပါဘူး-- လီကွမ်ယူလိုနိုင်ငံခေါင်းဆောင်ကပဲ သူလိုအရည်အသွေးထက်မြက်တဲ့ အခြားအုပ်ချုပ်သူလူတန်းစားများ စုပေါင်းတိုင်ပင်ပြီးနိုင်ငံကိုဆွဲတင်မှသာရနိုင်လိမ့်မယ်လို့ ယူဆပါတယ်။
No comments:
Post a Comment