ကိုယ့်ဘဝကိုယ့်အကြောင်း

မှတ်မှတ်ရရလေးတွေက ဘဝတစ်လျှောက်လုံးမှာရှိခဲ့ဘူးပါတယ်--ဦးနေဝင်းလက်ထက်ကပါ-- မောင်တိုင်ပင်အဖေက မန်းတက္ကသိုလ်မှာ မြန်မာစာပါမောက္ခအဖြစ်တာဝန်ထမ်းဆောင်နေတုံးကပါ--

အဲဒီအချိန်ကပညာရေးဝန်ကြီး က မြန်မာ့ပညာရေးကို ဖျက်ဆီးခဲ့သူ လို့အမည်ဆိုးနဲ့ကျော်ကြားခဲ့တဲ့ ဒေါက်တာညီညီပါ--

မန်းတက္ကသိုလ်ကိုလာရောက်စစ်ဆေးခဲ့ပါတယ်-- အဲဒီအချိန်ကအဖေ က  ဦးမောင်မောင်တင် တို့နဲ့အတူတူ မြန်မာ့

စာပေဆိုင်ရာ ပြတိုက်လေးတစ်ခုတည်ထောင်ထားတယ်--ဘယ်သူကမှ ပြတိုက် ထောင်လို့ညွန်ကြားတာမဟုတ်ဘူး -- ကိုယ့် initiative နဲ့ကိုယ်ထောင်ထားတာ---အခုရှိလား မရှိလားတော့ မသိဘူး- အဲဒီပြတိုက် ကိုလာကြည့်ရင်း မောင်တိုင်ပင်အဖေ ကိုပြောလိုက်တဲ့စကား ရပ်တစ်ခု ကို အဖေက အမှတ်မထင်ပြန်

ပြော ပြ လို့ သိခဲ့ရတာပါ-- သူက" ဆရာက စည်လိုပဲ တီးမှ မြည်တာနော် " တဲ့-- အဖေကလည်းသူဘာရည်

ရွယ်ချက်နဲ့ပြောမှန်းမသိပါ-- အလုပ်တစ်ခုကို တွန်းတွန်းတိုက်တိုက် လုပ်-- မင်းလုပ်ရင်လုပ် မလုပ်ရင်တော့

ဆော်တော့မယ် ဆိုတာမျိုး တီး မှအသံထွက်တာ -- အဖေကတော့ သူဘာကြောင့်ပြောတာလဲဆိုတာမောင်တိုင်ပင်တို့ကို

ရှင်းမပြဘူး အဲလိုပြောခံရလို့ စိတ်ဆိုးနေပုံလည်းမပေါ်ဘူး-- အမေ ကို ဧည့်ခန်းမှာ လ္ဘက်ရည်သောက်ရင်း စကားစမြည်ပြော

နေတုံးပြောတာကိုကြားရတာ--မောင်တိုင်ပင်အနေနဲ့စဉ်းစားတတ်တဲ့ အရွယ်ရောက်နေတော့ ဒီစကားကို

အဲဒီအချိန်က တွေးခေါ်သုံးသပ်နိုင်တဲ့စွမ်းအားလေးနဲ့စဉ်းစားကြည့်တာပါ--ချီးကျူးတာလား ခြိမ်းခြောက်တာလား ဝေခွဲမရဘူး--အခုကြီးလာတော့ ပညာတွေ

အတွေ့အကြုံတွေ စာဖတ်ခဲ့တာကြောင့် ရလာတဲ့ အသိအမြင်တွေ အရ ပြောင်းလဲတွေးတောလာတယ်--ပညာတတ်တော်တော်များများဟာ

သူတို့ကိုမေးမှ တိုင်ပင်မှ ကူညီပါ လို့ပြောမှ ပြောတတ်တာပဲ--စည်လိုအသံထွက်လာတာပဲ----- ဒီခေတ်မှာ ပိုသိသားသေး-- ဘေးထိုင်ပြီး

ရတာလေးနဲ့စား ရှိတာလေးနဲ့ရောင့်ရဲ နေတဲ့  ပညာတတ်တွေ မြန်မာမှာ အများကြီးပါလားလို့ -- ခပ်စွာစွာ ကိုယ့်

စည်ကို မြည်အောင် လုပ်နေတဲ့ ပညာတတ်တွေလည်းရှိပါတယ် --- တစ်ခုစဉ်းစားမိပါတယ် --ဒေါက်တာ

ညီညီ ပြောသလို တီးမှ မြည်တဲ့ စည် အဖြစ်နေတာကောင်းလား   ကိုယ့်ဖါသာ မြည်အောင် လုပ်တဲ့ စည်

ဖြစ်အောင်လုပ်သင့်ပါလား လို့-- ဒီခေတ်က ကိုယ်တတ်တယ် -- ကိုယ်ကျွမ်းတယ်-- လို့မရှက်မကြောက်ကျေညာပြီ ဆိုရင်လူတွေက ဟုတ်တာ မဟုတ်တာ အပထား  နောက်ကေတော့ လိုက်လာတဲ့သူတွေ ရှိနေတာ  လူသဘော လူ့မနော ကို အကဲခပ်တတ်ရင် EQ ကောင်းရင် ကိုယ့် နောက်လိုက် followerbတွေရှိလာတာပဲ-- တကယ်ကျွမ်းတဲ့သူတွေ က အယ်လိုလုပ်ရမှာ ရှက်တတ်တယ်ဗျ --နောက်   ဒီခေတ် က မိုးကျ တွေ နေရာတကာမှာ ရှိနေလို့ပြောရတာခက်သား------ 

blog ရေးလာတာတစ်နှစ်ပြည့်ပါပြီ

blog ရေးလာတာ ဒီ လ ဆိုရင်တစ်နှစ်ပြည့် ပါပြီ။ blog ရေးခါစက blog ရေးရင် ကိုပဲ နိုင်ငံတော် ဆန့်ကျင်နေ သလို မျိုးပြောနေတာ ကြားရပါတယ်၊ ဒါပေမဲ့ ကိုယ့် စိတ်ကို ရှင်းပါတယ်။ စာရေးရတာဝါသနာပါတော့ ကိုယ်ရေး ချင်ရာ အတွေးပေါက် ရာတွေရေး နိုင်အောင် အတွေး ပုံရိပ် ဆိုပြီး အမည်တပ် ခဲ့ပါတယ်။ ဒါပေမဲ့ ဒီ ကနေ့ ထိ ကိုယ် blog ထဲဝင်ချင် ရင် ကျော် တဲ့ proxy မသုံးပဲဝင်မရဘူးဖြစ်နေတယ်။ blogspot ဆိုရင်ကိုပဲ ကောင်းတာရော မကောင်း တာ ရောအကုန် အပိတ်ခံ ရတာာပါပဲ။

တစ်ခုတော့ ရှိတယ်၊ နိုင်ငံရေးမပါတောင် စာပေစီစစ်ရေး က ဆင်ဆာ လုပ်တာတော့မခံ ရတော့ဘူး။ ကိုယ်စိတ်ထဲ မတွေ့ တာရေးနိုင်တယ်၊သရော်နိုင်တယ်။ ပေါက်ကွဲတော့မဲ့ စိတ် အတွက် စိတ် ဖြေရာပေါ့ လေ။ blog ရေးချင် ရင် ကွန်ပျူတာတော့ နည်း နည်း နားလယ် ဖို့ လိုပါတယ်။

ခေတ်ဟောင်းက ပညာတော်သင် ခရီး

မောင်တိုင်ပင်အလုပ်ကနေ ၁၃ နှစ်ကြာတဲ့အခါ ဘီးလတ် (UK) ကို ပညာတော်သင်သွား ဖို့ အခွင့်အလန်းရ ခဲ့တယ်။ နောက်ဝင်လာတဲ့ အင်ဂျင်နီယာ အငယ်တွေနဲ့ အတူ စာမေးပွဲ ၀င်ဖြေပြီးမှ အမှတ်အနည်းအများ အရသွားရတာပါ။ ကပ်ရပ်ဖေါ်လံဖားပြီးအောင်တာမဟုတ်ပါ။ အိမ်မှာ ရှိတဲ့ အဖေ့စာအုပ်စဉ်မှာ သိပ္ပံမောင်ဝ ရဲ့ အောက်စ်ဖိုဒ့် တက္ကသိုလ်ပညာတော်သင်ဘ၀မှတ်တမ်းကို ဖတ်မိပြီးကတည်းက ဘီးလတ်ကိုပညာတော်သင် သွားချင်နေတာပါ။ မှတ်မှတ် ရရ သိပ္ပံမောင်ဝရဲ့ စာအုပ် ကို အကြိမ်ကြိမ် ဖတ်ခဲ့တော့ အောက်စ်ဖိုဒ့်တက္ကသိုလ် ရဲ့ကောလိပ် အမည်တွေ၊ လမ်းတွေကို မှတ် မိနေပါတယ်။

မောင်တိုင်ပင်ရဲ့ IELTS အမှတ်က ၆.၅ ဖြစ်တော့ အင်္ဂလိပ်စာသင်တန်းး ကင်းလွတ် ခဲ့တယ်။ နောက်မှ သိရ တယ်၊ အင်္ဂလိပ်စာ သင်တန်း တက်ရရင် အင်္ဂလိပ်မိသားစုအိမ်တွေမှာ၃ လ လောက် နေရမှာနော်။ home stay ပေါ့။ အဲဒီအခွင့်အရေးတော့လွတ်သွားပါတယ်။ ၁၉၈၃ခုနှစ် စက်တင်ဘာလလယ်လောက် ကျောင်းဖွင်ခါနှီး ၅ရက် လောက်အလိုမှာ ရန်ကုန်က ထွက်ခွာခဲ့ရတယ်။ ဘီဘီစီ မြန်မာပိုင်း အစီအစဉ်မှာ အလုပ်ဝင်မဲ့ ဒေါ်ရင်ရင် မေနဲ့ လေယာဉ်ပျံတစ်စီးတည်းပဲ။ British Airways ကိုဘန်ကောက် ကနေဆက်စီးရတာပါ။ နယူးဒေလီမှာ လေယာဉ်ဆီ ဖြည့် ဖို့ရပ်နားနေတုံးဒေါ်ရင်ရင်မေ နဲ့စကားစမြည်ပြော ရင်းဘီဘီစီကိုလာလည်ဖို့ သူမက ကြို တင်ဘိတ်ခဲ့ပါတယ်။မောင်တိုင်ပင် ရဲ့ဇနီး က ဒေါ်ရင်ရင်မေနဲ့တစ်ကျောင်းတည်းထွက်လေ။ လန်ဒန် ဟီသရိုး လေဆိပ် ရောက်တော့ ယောက်ဖဖြစ်သူ ဒေါက်တာ ပီတာစိုးဝင်း လာကြိုပါတယ်။ အတူနေယောက်ဖ အငယ် ကိုစိုးလင်း လည်းပါလာတာပေါ့။ လေဆိပ်ကနေလန်ဒန်မြို့ထဲယောက်ဖ ကသူ့ ကိုယ်ပိုင်ကားမောင်းပြီး bed and breakfast ဟိုတယ်ကို လိုက်ပို့ပါတယ်။ လန်ဒန်စံတော်ချိန် နံနက် ၆ နာရီ တနင်္ဂနွေနေ့ ဖြစ်တော့ လမ်းမှာ ကားတွေတော်တော်ရှင်းပါတယ်။ လမ်းမှာ ယောက်ဖအငယ် က လန်ဒန်မြို့ လမ်းတွေဟာ ဘာထူးသလဲ ဘာ သတိပြုမိသလဲ လို့မေးပါတယ်။ စာရေးသူ ကတော်တော်စဉ်းစားပြီး ဟွန်း မတီးကြဘူး လို့ ပြန်ပြောတော့ နှစ်ယောက်လုံးက ၀ိုင်းရီကြတယ်။ မှန် ပါတယ် လို့သူတို့က ပြောပါတယ်။ အင်္ဂလန်မှာ ဟွန်းတီးရင် ဆဲတယ်လို့ မှတ်ဟူပါတယ်တဲ့။ အဲဒီအချိန်တုံးက ရန်ကုန်မြို့မှာ ဟွန်းကိုတီးသလားမမေးနဲ့ တတီတီ နဲ့ တ ပေါ်ပေါ် နဲ့ ဆူညံနေတာပဲ။ ယောက်ဖ အငယ် ရန်ကုန် ကိုတလောကခဏပြန်လာတုံးက ရန်ကုန်မြို့တော်ဟာဟွန်းသံတိတ် ဆိတ်နေတာကြောင့် အတော်အံ့သြသွားတယ်။

ဟိုတယ်မှာ ပစ္စည်းတွေနေရာချထား ပြီး ကားကိုတစ်နေရာမှာရပ်ထားခဲ့တယ်။ ယောက်ဖတွေ ကမြေအောက် ရထားစီး ပုံစီးနည်း ကိုသင်ပေးတယ်။ နေ့လည်စာကို လန်ဒန်တရုတ်တန်းမှာရှိတဲ့ restaurant တစ်ခု မှာသွား စားကြတယ်။ စားရေးသူအတွက် ပထမဆုံးဟောင်ကောင်တရုတ်စာကို လန်ဒန် တရုတ်တန်း ဆိုဟို ရပ်ကွက်မှာ စားဘူးတာပါ။ ညနေ ၃နာရီလောက် ယောက်ဖတွေ က လန်ဒန်နဲ့ ကီလိုမီတာ ၁၈၀ လောက်ဝေးတဲ့ Leeds မှာ နေတာဖြစ်တော့ နှုတ်ဆက်ပြီးပြန်သွားကြရော။ စာရေးသူတစ်ယောက်တည်းညနေ ၅ နာရီလောက်ကြတော့

jet lag ဖြစ်ပြီး အရမ်း အိပ်ချင်တာနဲ့ ဟိုတယ်မှာ စောစောအိပ်ရာဝင်ခဲ့ပါတယ်။

နောက်တစ်နေ့ မိုးလင်းတော့ လန်ဒန်မြို့ ထဲ ရှောက်ကြည့်ရင်း McDonald ဟန်ဘာဂါ နဲ့ အင်္ဂလိပ်အစားအစာ fish and chips ကိုပထမ ဆုံးဝယ်စားမိတယ်။ fish and chips အနံ့ကိုမခံနိုင်ဆုံးပဲ။ ဒါပေမဲ့ နောက်တော့ fish and chips ကို ကြိုက်သွားပြီး မကြာခဏ ၀ယ်စားတဲ့ meal တစ်ခု ဖြစ်လာပါတယ်။ နေ့လည်မှာ ဟိုတယ်က check out လုပ်ပြီး ဗစ်တိုရီးယား ဘူတာရုံကို taxi နဲသွားပါတယ်။ British Council က personal coordinator Ms. Vicky နဲ့တွေ့ပါတယ်။ Silsoe college ကိုသွားမဲ့ အခြားအာရှနိုင်ငံသားတွေကော၊ အာဖရိကနိုင်ငံသားတွေ ကော၊ coordinator ကမိတ်ဆက်ပေးလိုတွေ့ပါတယ်။ အများစုကတော့ လွန်ခဲ့တဲ့ ၃ လလောက်ကတည်း က လန်ဒန်ရောက်နေကြသူတွေဖြစ်နေတော့ သူတို့မျက်နှာတွေဟာ ခတ်မှန်မှန် ခတ်တည်တည်ပါပဲ။ စာရေးသူ တစ်ယောက်တည်း မြန်မာပါ။ တချို့ ကတော့ သူ့နိုင်ငံသားချင်း သူ့စကားနဲ့ အချင်းချင်းလေပေးဖြောင့်နေပေရဲ့။

ထုံးစံအတိုင်းပဲ ဟိုကြည့် ဒီကြည့်နဲ့ အားငယ်တဲ့စိတ်ကို ဖုံးဖိရင်း ဘာမှ မဖြစ်သလို ဟန်ဆောင်နေရပေမဲ့ ရင် ထဲမှာတော့ တစ်ဒိန်းဒိန်း နဲ့  ဒီ နှစ် နှစ်ခရီးကို ငါဘယ်လိုလျှောက်လှမ်းရမလဲ ဗလောင်ဆူအောင်တွေးတော နေရပါတယ် ။ ဒါကတော့ လွန်ခဲ့သော ၂၆ နှစ်က ပုံရိပ်ပါ။ ဒီကနေ့ ၂၀၀၈ ၂၀၀၉ သမီးတို့ မှာတော့ ပညာသင် ခရီး ကြမ်းတမ်းမှုမရှိတော့ ပဲ အနည်းငယ် ဖြောင့်ဖြူးစပြုနေပြီဖြစ်ပါတယ်။ ဒါမှလည်း xenophobia ဆိုတဲ့ နိုင်ငံခြားသားတွေကြောက်စိတ်ပျောက်ပြီး သူတို့နဲ့ရင်ဘောင်တန်းအလုပ်လုပ်နိုင်ကြမှာပါ။

ဘ၀၏ ပုံရိပ်ကို ပြန်စောင်း ကြည့်မိခြင်း

မောင်တိုင်ပင် ဘီအီး ဘွဲ့ရပြီးနောက်တစ်နှစ်မှာအဖေဖြစ်သူပါမောက္ခ ကနေပင်စင်ယူပါတယ်။ မှတ်မိကြ ပါလိမ့် မယ်။ ၁၉၇၃ ခုနှစ်တုံးက အင်ဂျင်နီယာ ဘွဲ့ရတွေ အလုပ်အတော်ရှားပါတယ်။ ဆိုရှယ်လစ်ခေတ်ဖြစ်တော့ အစိုးရ အလုပ်ပဲ ၀င်လုပ်စရာ လမ်းကြောင်းတစ်ခုပဲရှိတယ်လေ။ တစ်ချို့ သူငယ်ချင်းတွေကတော့ သင်္ဘောကျင်းမှာ service ယူပြီးသင်္ဘောအင်၈ျင်နီယာတက်လုပ်ကြတယ်။ အများစုကတော့ ရေကြည်ရာ မြက်နု စင်ကာပူ တို့ ဟောင်ကောင်တို့ကိုထွက်ကြတယ်။ အဲဒီအချိန်တုံးက နိုင်ငံခြားထွက်လုပ်ဖို့ဆိုတာ တော်ယုံနဲ မစဉ်းစား ကြဘူး။ အဖေကသားအင်ဂျင်နီယာဖြစ်ပြီ ငါ့ကိုအိမ်ဆောက်ပေးအုံး ဆိုတာနဲ့ အလုပ်သင် (work charge) လာလုပ်ဖို့ ရန်ကုန် ကသူငယ်ချင်းတွေကခေါ်တာတောင် မသွားဖြစ်ခဲ့ဘူး။ သတင်းစာထဲမှာခေါ်သမျှအလုပ်တွေ လိုက် လျှောက် တာ ဗိုလ်သင်တန်းခေါ်တာတောင်ဝင်လျှောက် လိုက်သေးတယ်။ မျက်မှန် ကိုငယ်ငယ်လေး ထဲကတတ် ထားရတော့ ဆေး မှာကျပါလေရော။ ဗိုလ်သင်တန်း ကဆရာကြီးက ပါမောက္ခ သားမှန်းသိတော့ မောင်ရင်လေး ပါမောက္ခ ပဲလုပ် ပေတော့ လို့ဆိုလိုက်သေး။ အံမယ်လေးတော်ပါသေးရဲ့ ။

PSC ကခေါ်သမျှအင်တာဗျုးကိုဖြေရင်း ကုန်သွယ်ရေး (၁) က လက်ထောက်အင်ဂျင်နီယာ ရာထူးကိုလျှောက် လိုက်မိတော့တယ်။ အဖေ အစ်ကို ဘကြီးစံမင်း ကဆန်စက်မှာ စက်ပတ်ကြိုးနဲ့ ချိတ်မိပြီး ခေါင်းနဲ့ သမံတလင်း နဲ့ဆောင့်မိပြီး ကွယ်လွန်သွားတာပါ။ အဲတော့ အဖေ ကဆန်စက်အင်ဂျင်နီယာ လုပ်ရမှာဆိုတော့  သိပ်တော့ ဘ၀င်မကျဘူးပေါ့။ ဒါပေမဲ့ စာရေးသူက တမင်းသာစားနေတာ ဆန်ဘယ်လိုကြိတ်သလဲဆိုတာဘာမှ မသိဘူး။ PSC မှာ အင်တာဗျူးဖြေရမယ်ဆိုတော့ (စာရေးသူတို့ခေတ်ကရေးဖြေမရှိဘူး) ဆန်စက်ဟာဘယ်လိုလုပ်စပါး ကြိတ်သလဲဆိုတာသိအောင်လုပ်ရမယ်ဆိုပြီး ဟာဂျီခင်မောင်ဦး ( Textile ကမလှသီ မူစလင်ကုလားမနဲ့ စချင် လို့ ကျောင်းမှာနောက်ခေါ်တာ၊ အမှန်တော့ ဗုဒ္ဓဘာသာပါ) နဲ့တိုင်ပင်တော့ အဘိုးကြီး ထွန်းလှိုင် ယောက်ဖ ဆန်စက် ကိုသွားကြည့်မယ် ဆိုပြီး ထွန်းလှိုင်ဆီသွားကြတယ်။ အဲဒီတုံး က အဖေရဲ့ မောရစ်မိုင်နာကားလေး မောင်းပြီး မြစ်ငယ်ကို ၃ ယောက်သားသွားကြတာပေါ့။ ထွန်းလှိုင်ယောက်ဖ ကတော့ ဆန်စက်ဘယ်လိုကြိတ် သလဲ ဆိုတာ ရှင်းပြပါတယ်။ အဲဒီရောက်တော့မှ ဘကြီး ချိတ် မိပြီးအသက်သေဆုံးတဲ့အထိဖြစ် ခဲ့ ရတဲ့ စက်ပတ်ကြိုးဆိုတာ ဒီလို ရှိတာပါလားလို့သိခဲ့ရတာပါ။

သေချာပြင်ဆင်သွားပေမဲ့ PSC မှာ ဘာမှ ဆန်စက်အကြောင်းမမေးပါဘူး။မန္တလေးပြန်လာပြီး မေ့မေ့ပျောက်ပဲ နေနေတုံး ကုန်သွယ်ရေး (၁) မှာ အလုပ်ဝင်ဖို့ ခေါ်စာရောက်လာပါလေရော။ အလုပ်ဝင်ဖို့ ရန်ကုန် မလာခင် အဖေ ကယနေ့ ထက်တိုင်မမေ့ နိုင်တဲ့ စကားတစ် ကိုဆိုပါတယ်။ သူလည်းနှစ်ပေါင်း၃၀ ကျော် တက္ကသိုလ်မှာ ဆရာလုပ်လာတော့ ၀န်ထမ်းအတွေ့အကြုံဆိုတာရှိမှာပါ။ အဖေ က " ငါ့သားအလုပ်လုပ် ရင် အလုပ်ကို ဘယ် တော့မှ မျက်ချေမပြတ်စေနဲ့ " သူကတော့ အတွေ့အကြုံ အရ သားကို ဆုံးမနှစ်သိမ့် စကားဆိုလိုက်တာ ဖြစ်ပေမဲ့ စာရေးသူ ၀န်ထမ်းဘ၀ ဖြတ်သန်းလာခဲ့ ရတဲ့ ခရီးကို ပြန်စဉ်းစားမိတိုင်း အဲဒီစကားစုဟာ စိတ်ထဲမှာ အမြဲပဲပေါ် လာတတ်ပါတယ်။ အဲတာကြောင့် ပဲ အရပ်သားဝန်ထမ်းဘ၀မှာ ဒုတိယအမြင့်ဆုံး ရောက်ခဲ့ရတာပါ လား လို့ ထင်မိပါတယ်။

ဝန်ထမ်း ဘ၀မှာဒီအဆင့်အထိရောက်ခဲ့ ရတာဟာ အခြားမြင်ဆရာ၊ကြားဆရာ၊ သင်ဆရာတွေ ကြောင့်လည်း အများကြီးပါပါတယ်။ စည်းကမ်းစနစ်ကြီး ပြီးစနစ်တကျလုပ်တတ်ကိုင်တတ်တဲ့ ဆရာတွေအောက်မှာ လုပ်ကိုင် ခွင့် ရပေမဲ့ အကျင့်ကောင်းတွေကို အတုခိုးလုပ်တတ်ဖို့တော့လိုပါတယ်။ ကွယ်လွန်သူ ဆရာဦးစောအောင် ရဲ့လုပ်နည်းလုပ်ဟန်တွေကိုစာရေးသူအများဆုံးအတုခိုးပါတယ်။ ဒါပေမဲ့ ဆက်ဆံရေး (dealing) ကိုတော့ သူ့ ထက်ပိုကောင်းအောင် လုပ်ခဲ့နိုင်ပါတယ်။ စည်းကမ်းစနစ်ကျတော့ အင်္ဂလိပ်လူမျိုး consultant ဖြစ်တဲ့ Dr. Deny ကတောင်ဦးစောအောင်ကို ရှိန်ပါတယ်။

ဆန်စက်တွေရှိရာကို မော်တော်၊ ကားတွေစီးပြီးသွားရတာပျော်စရာအလွန်ကောင်းပါတယ်။ ဇုန်မန်နေဂျာ ဦးတင် စိုးနဲ့ သံလျှင်ဇုန်မှာ ၂ - ၃ နှစ်လောက်တွဲလုပ်ခဲ့ ရတာတွေကိုသတိရနေဆဲပါ။ ၀မ်းနည်းစရာတစ်ခုကတော့ လွန်ခဲ့သော နှစ်ပေါင်း ၃၀ လောက် ခရမ်းချောင်းထဲ မော်တော်နဲ့ စုန်ဆန်သွားလာခဲ့ကြတယ်။ စပါးအ၀ယ်ဒိုင် (ကွင်းဒိုင်) တွေ မှာလည်းညအိပ်ခဲ့ဘူးတယ်။တောသူတောင်သားတွေဟာတော်တော်ဆင်းရဲတာ ကိုအဲဒီအချိန် ကတည်း က သတိပြုမိတယ်။ အချို့ အင်္ကျီတောင်မ၀တ်နိုင်ကြဘူး။ ရင်လျှားနဲ့ ပဲနေကြရတယ်။ခလေးတွေဆိုတာ ကိုယ်တုံးလုံးတွေပဲ။ ၂၀၀၈ ခုနှစ်လောက် က မိုဃ်းတွင်းကြီး ခရမ်းချောင်းကိုမော်တော်စီးပြီး ဘုရားပျို ရွာ ကို ဂိုဒေါင် အခြေအနေတွေကိုစစ်ဆေးဖို့သွားခဲ့တော့ ချောင်းတစ်လျှောက်မှာ နှစ်ပေါင်း ၃၀ က အတိုင်းပဲ၊ မိန်းမ တွေဟာရင်လျှားနဲ့ ယောင်္ကျား တွေခလေးတွေဟာအရင်အတိုင်းပဲ။ဘာမှ ပြောင်းလဲတိုးတက်တာ မတွေ့ရ တော့ ရင်ထဲမှာ မချိတင်ကဲဖြစ်ရပါတယ်။ချောင်းဘေးကတဲတွေဟာလည်းနှစ်ပေါင်း ၃၀ ကအတိုင်းပဲ။ သို့ပေမဲ့ ဘုရား ပျိုရွာရောက်တော့ ရွာသူရွာသားတွေရဲ့စေတနာကတော့ လွန်ခဲ့သော နှစ်ပေါင်း ၃၀ ကအတိုင်း ပဲဆိုတာ ၀မ်းသာအားရစွာ တွေ့ကြုံရပါတယ်။