ဗီယက်နမ်မှာရှိတဲ့စက်မှုဇုန်တွေလေ့လာရေးသွားခဲ့တုံးကဟနွိုင်းမှာရှိတဲ့ ဗီယက်နမ်မြန်မာချစ်ကြည်ရေးအသင်းဥက္ကကြီးကမန်မာလေ့လာရေးအဖွဲ့ကိုထမင်းဖိတ်ကျွေးဧည့်ခံခဲ့ဘူးပါတယ်—
ဟနွိုင်းမှာဆိုင်ကယ်တွေများကြောင်း ဒါပေမဲ့စီးတဲ့သူတော်တော်များများ အသက်ကယ်ဦးထုတ်တွေဆောင်းကြကြောင်းပြောတော့ ဥက္ကကြီးကမှတ်သားစရာစကားတစ်ခုပြောပြပါတယ်--
ဗီယက်နမ်ဟာ နယ်ချဲ့လက်ကနေလွတ်မြောက်ပြီးကာစအချိန်--ဆိုင်ကယ်တွေကလည်းတစ်စထက်တစ်စပေါများလာတဲ့အချိန်မှာ ပြည်သူတွေတော်တော်များများကစည်းကမ်းမလိုက်နာကြပါဘူးအဲဒီအချိန်မှာဆိုင်ကယ်စီးရင်အသက်ကယ်ဦးထုတ်ဆောင်းသူအတော်ကိုနည်းပါတယ်--အာဏာပိုင်တွေကလည်း ငါတို့ပြည်သူတွေနယ်ချဲ့လက်အောက်မှာအဖိအနိုပ်ခံ ကြပ်ကြပ်တည်းတည်းနေလာရတာ အခုလွတ်မြောက်လာတဲ့အချိန်မှာ စည်းကမ်းကာလနားတွေသတ်မှတ်ပြီးမချုပ်ချယ်လိုပါဘူးဆိုပြီးနေလိုက်တာ ဆိုင်ကယ်မတော်တဆဖြစ်မှုကြောင့်တစ်နေ့တစ်နေ့ မှာ လူရွယ်တွေလမ်းပေါ်မှာ အသက်ဆုံးရှုံးရတဲ့ပမာဏဟာ ကြောက်ခမန်းလိလိ များပြားတိုးတက်လာတာကြောင့် အာဏာပိုင်တွေလည်းအသက်ကယ်ဆိုင်ကယ်စီးဦးထုတ်ဆောင်းကြဖို့ မဆောင်းရင်အရေးယူ ပြစ်ဒဏ်ချ မှတ်ဖို့ကိုဖိဖိစီးစီးဆောင်ရွက်လိုက်တော့မှ လမ်းပေါ်မှာ မတော်တဆဖြစ်မှုတွေအတော်လျော့ကျသွားခဲ့တာဖြစ်တယ်လို့ပြော ပြပါတယ်--
Public administration ပြုလုပ်တဲ့အခါ Carrot and stick ကျင့်သုံးတဲ့အခါ stick ကိုမသုံးပဲမနေလို့မရကြောင်းကိုလက်တွေ့ကျကျသိလာခဲ့ရကြောင်းပြောပြဘူးပါတယ်—ဥက္ကဌကြီးဟာ ပြင်သစ်တွေကိုတွန်းလှန်တိုက်ခိုက်ခဲ့တဲ့ ဒိန်ဘင်ဖူးစစ်ပွဲမှာ ဟိုချီမင်းတို့ရဲ့ လူငယ်စစ်သားအနေနဲ့ တိုက်ခိုက်ခဲ့သူဖြစ်ပြီးနယ်ချဲ့တွေတွန်းလှန်ရာမှာလည်းတချိန်လုံးပါဝင်ခဲ့သူတစ်ဦးပါ--
ခေတ်သစ်မြန်မာနိုင်ငံမှာလည်း ပြည်သူတွေဟာအာဏာရှင်တွေလက်အောက်မှာအဖိနိုပ်ခံလူတွေအဖြစ်နေခဲ့ကြရလို့ သူတို့တတွေနေချင်သလိုနေကြပါစေဆိုပြီးလွှတ်ထားလို့မရပါဘူး--public nuisance ပြည်သူကိုအနှောက်အယှက်ဖြစ်အောင်ပြုလုပ်ခဲ့သူတွေကိုဥပဒေအတိုင်းထိရောက်စွာအရေးယူသွားဖို့လိုအပ်နေပါတယ်—
No comments:
Post a Comment