ဒီတစ်ခေါက်ရန်ကုန်ပြန်တော့စာအုပ်၂အုပ်ဝယ်လာတယ်--အခုဖတ်နေတာ-- မပြီးသေးဘူး--ညီပုလေး ရဲ့ "ထက်မြက်တဲ့ဓါးသွားပေါ်ကချိုမြမြပျားရည်စက်" အမျိုးသားစာပေဆုရတယ်--ဒီမိုအစိုးရလက်ထက်မို့ ညီပုလေး စာပေဆုရတာ-- သူဘယ်သူလဲသိကြတယ်မဟုတ် လား ??
လူထုဦးလှဒေါ်အမာရဲ့သားအငယ်ဆုံး-- ညီတော်မောင်တွေနဲ့ငယ်သူငယ်ချင်း-- သူ့အစ်ကို ကိုဖိုးသံချောင်းကတော့ ဘော်လုံးကန်တယ်-- ငယ်ငယ်ကဗထူးကွင်းမှာဘော်လုံးပွဲကြည့်ရင်ခဏခဏတွေ့တယ်-- အရင်ငယ်ငယ်က သူတို့နဲ့စကားပြောမိရင်တစိမ်းဖြစ်နေလို့ကတော့ ထောက်လှန်းရေးငတိတွေလာမေးမှာ အသေအချာပဲ--သူ့အဖေလူထုဦးလှကတော့မောင်တိုင်ပင်ရဲ့ဖေးဘရိတ်စာရေးဆရာပဲ-- လူထုတိုက်ကစာအုပ်အသစ်ထွက်ရင်နောက်တစ်နေ့ " ကိုချမ်းမြ သို့ -----မောင်လှ " ဆိုပြီးရောက်လာတာပဲ-- မောင်တိုင်ပင်အိမ်မှာရှိနေချိန်ဆိုရင်မောင်တိုင်ပင်က ပထမ ဖတ်သူပဲ-- အဖေ နဲ့ဦးလှကတော့ ငယ်ငယ်ကျောင်းသားဘဝကတော်တော်တွဲခဲ့ကြတယ်-- စာပေရေးရာမှာတော့အဖေကစာအုပ်ကြီးသမား -- ရှေးရိုးစွဲကွန်ဆာဗေးတစ်ကြီး -- အထက်မြန်မာနိုင်ငံစာပေရေးရာတွေမှာတော့တွဲလုပ်နေတာပဲ-- ငြိမ်းချမ်းအမေဒေါ်အမာကတော့အဖေ ငယ်စဉ်ကဖြစ်ခဲ့ပျက်ခဲ့တာတွေသိပ်သဘောမကျတော့ အတော်အပုပ်ချခဲ့တယ်-- အထက်မြန်မာနိုင်ငံဆရာအသင်းက ပုဂ္ဂိုလ်တွေကကွန်မြူနစ်အတွေးအခေါ်များတယ် -- အဖေ့တပည့်အချို့ကော ဒေါ်အမာကကောတွယ်စရာရှိရင်တွယ်တာပဲ--အဖေကလည်းကျောင်းဆရာ သူ့မူအတိုင်းပဲ-- တက္ကသိုလ်က သုတေသနလုပ်သူ researcher ပဲ-- ဘယ်သူဘာပြောပြောဂရုမစိုက်ဘူး-- နိုင်ငံရေးလုပ်ခဲ့စဉ်က ဖဆပလ ပဲ-- ကွန်မြူနစ်တော့ အတော်မုန်းတာ--တောင်ငူကိုကရင်တွေသိမ်းတော့ ပုန်းနေရတယ်-- ကွန်မြူနစ်တွေရှိတဲ့ ဘက်လည်းမရှောင်ပုန်းရဲဘူး--ဒါပေမဲ့ အဖေ နဲ့ လူထုဦးလှကတော့ ခင်မင်မြဲ ခင်မင်လျက်ပဲ--အခုနေ အဖေရှိရင် ကျနော့ဆူမှာ-- မြန်မာစာကို စကားပြောသလိုရေးနေလို့ -- တခါတလေလည်းအခန့်ရေးပေမဲ့ စကားပြောသလိုရေးရတာလောက်အားမရဘူး--
ငြိမ်းချမ်းလည်းစာရေးကောင်းတာပဲ--သူအဖေစတိုင်ပဲ-- အခုဖတ်ရင်းနဲ့ လက်ကမချချင်တော့ဘူး-- စင်ကာပူမှာ မောင်တိုင်ပင်အတွက်အချိန်ကရှားတယ်--မနည်းလုဖတ်နေရတယ်--မောင်တိုင်ပင်ကကျေးလက်တောရွာတွေမှာတာဝန်ထမ်းဆောင်နေတဲ့ဆရာဝန်တွေအကြောင်းသိပ်ဖတ်ချင်တာပါပဲ အခု သီပေါက ဆရာဝန်ကြီး Nanda Win တလောကပင်းတယကဆရာဝန်ကြီးအကြောင်း--ဆံရှည်ဘောင်းဘီတိုနဲ့ ကားပေါ်မှာ ဘက်ထရီနဲ့လုပ်တဲ့ အာလ်တြာဆောင်းတင်ပြီးဧရာဝတီတိုင်းကရွာတွေမှာ ကားနဲ့လျှောက်သွားပြီးအလကားလိုက်ကုနေတဲ့ ဆရာဝန် တစ်ယောက်--facebook မှာတစ်ခါတစ်ခါ ဓါတ်ပုံနဲ့ တကွပေါ်ပေါ်လာတတ်တယ်--သူတို့အကြောင်းတွေဖတ်ရတာ သိပ်ကြိုက်တယ် သူတို့ လိုလည်းဖြစ်ချင်တယ်-- စိတ်ကူးလည်းယဉ်မိတယ်-- အင်ဂျင်နီယာမလုပ်ပဲဆရာဝန် လုပ်မိရင်သူတို့လိုပဲလုပ်မိမလားမသိဘူး -- သူငယ်ချင်း ချာလီသက်ရှည် ဒေါက်တာကျော်သက်လည်း ထိုင်းက ရီဖြူဂျီကင့်မှာ ဆရာဝန်အဖြစ် နှစ်တော်တော်ကြာကြာ လုပ်ခဲ့ပြီးမှာဗမာပြည်ပြန်လာခဲ့ တယ် ဒီနာဂဒေသကဆရာဝန်ကြီးအကြောင်းကတော့ကြားဘူးနေတာကြာပါပြီ--ညီပုလေးခရေစေ့တွင်းကျရေးမှပဲသေချာဖတ်ရတော့တယ်-- အခုတစ်ဝက်လောက်ထိကတော့ လက်ကမချချင်လောက်အောင်ပါပဲ--ဒါပြောပြချင်တာပါ--
No comments:
Post a Comment